स्याङ्जा । स्याङ्जाको पुतलीबजारमा सूचना आयोगद्वारा सूचना अधिकारीहरूका लागि एक दिने गोष्ठी तथा अन्तरक्रिया सम्पन्न भएको छ ।
कार्यक्रममा बोल्दै प्रमुख अतिथि पुतलीबजार नगरपालिकाका प्रमुख तुलसीराम रेग्मीले नागरिकको सूचना प्राप्त गर्ने अधिकारका लागि नै आफूहरू लडेको बताउनुभयो । उहाँले लोकतन्त्रमा मात्र सूचनाको हक पाइने हुनाले सबै सरकारी निकायहरूले सूचना अधिकारी अनिवार्य राख्नुपर्ने बताउनुभयो ।
प्रमुख जिल्ला अधिकारी शशिधर घिमिरेले सुशासनका लागि र भ्रष्टाचार कम गर्नका लागि हरेक कार्यालयहरूले सूचना अधिकारीको व्यवस्था गर्नुपर्ने बताउँदै सूचनाको हकको व्यवस्था संविधानमै उल्लेख गरिएकाले नागरिकको सूचना सम्बन्धी हकको सम्मान गर्नुपर्ने प्रदान गर्नुपर्ने बताउनुभयो ।
कार्यक्रममा नागरिक समाजका अध्यक्ष ओमप्रकाश शर्मा, पत्रकार महासङ्घ स्याङ्जाकी उपाध्यक्ष भवानी अधिकारी, शिक्षा शाखा प्रमुख बाबुराम बराल लगायतले धारणा राख्नुभएको थियो ।
नागरिक तथा सूचना आयोगका आयुक्त कमला ओलीको सभापतित्वमा पुतलीबजार नगरपालिकाको हलमा सम्पन्न भएको उक्त कार्यक्रममा शिक्षक, कर्मचारी, पत्रकार, सरकारी कार्यालयका प्रतिनिधिहरू तथा सूचना अधिकारीहरूको उपस्थिति थियो ।
कार्यक्रममा आयोगका उपसचिव रामप्रसाद ढकालले सूचनासम्बन्धी हक र कानुनमा भएका विषयहरूका बारेमा जानकारी दिनुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच