धादिङ । पहिरोका कारण अवरुद्ध भएको नारायणगढ-मुग्लिन सडकखण्ड पुनः सञ्चालनमा आएको छ । सडक माथिबाट पहिरो खसेपछि आज बिहान बन्द भएको उक्त सडक खण्ड पुनः सञ्चालनमा आएको जिल्ला ट्राफिक प्रहरी कार्यालय चितवनले जनाएको छ ।
बन्द भएको मुग्लिन-नारायणगढ सडकखण्डको पहिरो पन्छाएर एकतर्फी खुलेको प्रहरीले जनाएको छ । सो सडकखण्डमा गाडीको चाप लामो रहेको ट्राफिक प्रहरीले जनाएको छ ।
चितवनको इच्छाकामना गाउँपालिका-५ स्थित तीन किलोमा बिहीबार दिउँसो सुख्खा पहिरो खसेपछि अवरुद्ध भएको सडक २८ घण्टापछि हिजो साँझ ५ बजेबाट सञ्चालनमा आएको थियो । तर सडक खण्ड सञ्चालन आएको केही घण्टामा सोही स्थानमा पहिरो गएपछि आज बिहान देखि नारायणगढ-मुग्लिन सडकखण्ड पुन अबरुद्ध भएको थियो ।
माथिबाट लगातार ढुंगा झरिरहने भएकाले यो ठाउँमा जोखिम कायमै रहेको प्रहरीले जनाएको छ । सडक अवरुद्ध भएपछि दर्जनौं सवारी साधन बिच बाटोमा अलपत्र परेका थिए । पूर्व र पश्चिमबाट काठमाडौ जोड्ने मुख्य मार्ग भएकाले मुग्लिन-नारायणगढ सडक खण्डलाई लाइफलाइन पनि भन्ने गरिन्छ । यो सडक हुँदै दैनिक औसतमा १० हजार वटा गाडी आउजाउ गर्ने गर्दछन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच