रुपन्देही । हरियाली प्रबर्द्धन तथा सरसफाई अभियानलाई दिगो रुपमा अगाडी बढाइरहेको रूपन्देहीको तिलोत्तमा नगरपालिकाले सडक कुरुप बनाइरहेका इन्टरनेट तारको व्यवस्थापन थालेको छ ।
नगर प्रमुख रामकृष्ण खाणले आफै सडक किनारका विद्युतका पोलहरूमा निरिक्षण गर्दै अव्यवस्थित तार काटी सो अभियानको थालनी सुरु गर्नु भएको हो ।
जथाभावी टाँगिएका विभिन्न सेवाप्रदायक कम्पनीका तारहरू व्यवस्थित बनाउन इन्टरनेट सेवा प्रदायक कम्पनीहरुको समन्वय र उपस्थितिमा सुरू गरेको छ। नगर प्रमुख खाणले बुधबार बिहान बुटवल र तिलोत्तमाको सीमा क्षेत्र योगिकुटी चोकबाट उक्त कार्यको सुरूआत गरिएको वताउनु भयो।
नगरप्रमुख खाणले पोलहरूमा जथाभावी टाँगिएका तारहरूले नगरलाई कुरूप बनाएको मात्र नभई आगलागी र दुर्घटनाको जोखिम समेत निम्त्याएकोले तारहरूलाई व्यवस्थित बनाउन सुरू गरिएको बताउनु भयो।
‘एउटै पोलमा विद्युतको तारसँगै इन्टरनेट र केबलका दर्जनौं कम्पनीका तारहरू जथाभावी टाँगिदा आगलागीका घटना समेत हुने गरेका छन्, पोलमा आगलागी हुँदा नजिकैका घरमा आगलागी हुनसक्ने र विद्युतीय उपकरणहरू सर्ट हुने जोखिम बढिरहेको छ,’ खाणले भन्नुभयो।नगरका मुख्य चोक, सडक किनार र घर अगाडि नै कुरूप बनाउने गरी टाँगिएका तारहरूलाई हटाउन नगरपालिकाले सरोकारवालालाई आग्रह गरेको थियो।
सो अवसरमा सेवा प्रदायक संस्थालाई ६ महिना भित्र सबैको सहकार्यमा सो तार व्यवस्थित गर्न तिलोत्तमा वडा नम्बर ६ का अध्यक्ष गणेश पाठकले आग्रह गर्नुभएको छ।
जनाप्रतिनिधीको अघिल्लो कार्यकालमा समेत पटक पटक उठाएको सो कुरा बल्ल पुरा भएकोमा उनले खुसी व्यक्त गर्दै सबैको सहयोगले तार हटाउन सम्भव भएको बताउनु भयो। सो अवसरमा बोल्दै सुचना तथा प्रबिधी शाखा प्रमुख इन्जिनियर सुदिप ढकालले स्मार्ट सिटीको परिकल्पनामा हिडेको नगरपालिकाको सरसफाई र हरियाली तथा सुन्दरतामा असर गरिरहेको इन्टरनेट तार व्यवस्थित गराउन सबैको सहयोग अपरिहार्य रहेको वताउनु भयो।
सो अभियान अन्तर्गत पहिलो चरणमा हाइवे प्रमुख सडकको दाँया बाँयाका पोल हरुमा भएको नचाहिने तार , गुजुल्टो तार, फ्याँकिएका तारहरु व्यवस्थित गराई ६ महिना भित्र हाइवे संगै, भित्री सडक , गाउँघर तर्फका सबै तार व्यवस्थित गरिने तिलोत्तमा नगरपालिकाले जनाएको छ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच