काठमाडौं । राष्ट्रियसभाका सांसद मायाप्रसाद शर्माले राष्ट्रिय अभिलेखालयका लागि आवश्यक जनशक्ति र प्रविधिको तत्काल व्यवस्था गर्न सरकारसँग माग गर्नु भएको छ ।
राष्ट्रको ऐतिहासिक महत्वका सम्पदाहरुको संरक्षण गरिरहेको सो अभिलेखालय आर्थिक समस्याको मारमा परिरहेको उल्लेख गर्दै त्यसको व्यवस्था गर्न पनि सरकारले ढिलाई गर्न नहुने बताउनु भयो । बिहीबार राष्ट्रियसभा बैठकको शुन्य समयमा बोल्दै सांसद शर्माले सो अभिलेखालयको भौतिक संरचनाको पुनर्निर्माणमा पनि सरकारले जोड दिनुपर्ने बताउनु भयो ।
उहाँले भन्नु भयो, ‘राष्ट्रिय अभिलेखालय, जसले राष्ट्रको पुरानो सम्पत्तिहरुको संरक्षण गरिराखेको स्थिति छ । त्यहाँ दक्ष जनशक्तिको अभाव भएको देखिन्छ । भौतिक पूर्वाधारहरुको पनि समस्या भएको देखिन्छ । र, प्रविधिको पनि उत्तिकै समस्या भएको देखिन्छ । आर्थिक रुपले त्यहाँ समस्या रहेको देखिन्छ । त्यसको आवश्यक व्यवस्था गर्न सकेको खण्डमा राष्टको सम्पत्ति जोगाउन त्यसले महत्वपूर्ण काम गर्छ ।’
सांसद शर्माले ऐतिहासिक महत्वका सम्पदाहरुको संरक्षणको जिम्मा लिएको सो अभिलेखालयलाई आर्थिक समस्याको मारमा पार्ने काम कुनै पनि हिसावले उचित नभएको समेत स्पष्ट पार्नु भयो ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच