-नन्दराम जैशी
सुर्खेत । डोल्पामा एक १५ वर्षीया बालिकामाथि सामूहिक बलात्कार भएको छ । बालिका गर्भपछि भएपछि सामूहिक बलात्कारको रहस्य खुलेको हो ।
डोल्पाको जगदुल्ला गाउँपालिकामा स्थानीय ९ जना युवा मिलेर १५ वर्षीय बालिकामाथि बलात्कार गरेको रहस्य खुलेको छ । बालिकाको गर्भमा ६ महिनाको बच्चा रहेको पुष्टि भएपछि घटनाबारे बालिकाले बोलेकी हुन् ।
बलात्कृत भएको ६ महिनापछि बालिकाका अभिभावकले प्रहरीमा जाहेरी दिएका छन् । पीडित परिवारका अनुसार प्रहरीमा उजुरी दिएसँगै घटनामा संलग्न ९ जनामध्ये ३ जना पक्राउ परेका छन् ।
केही दिनअघि आफन्तहरूले बालिकामाथि स्थानीय ९ जना केटाहरूले बलात्कार गरेको आरोपमा किटानी जाहेरी दर्ता गराएपछि घटनामा संलग्नमध्ये ३ जनालाई पक्राउ गरिएको जिल्ला प्रहरी कार्यालय डोल्पाका प्रहरी नायब उपरीक्षक शिव बुढाथोकीले जानकारी दिनुभयो ।
उहाँका अनुसार ३ जनामध्ये एक जनालाई मुगुबाट र २ जनालाई जुम्लाबाट प्रहरीले पक्राउ गरेको हो । अरु सबै फरार छन् । फरार सूचीमा रहेकालाई पक्राउ गर्न सजिलो होस् भनेर उनीहरूको पहिचान गोप्य राखिएको छ ।
पहिला घटनाबारे थाहा नभएपनि पछि बालिकाको पेटमा बच्चा हुर्कँदै गरेको परिवारले थाहा पाएपछि बालिकालाई सोधपुछ गरी ९ जनाका नाममा किटानी जाहेरी दिएको डीएसपी बुढाथोकीले बताउनु भयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच