काठमाडौं । संसदमा प्रतिनिधित्व गर्ने सबै दलहरूको बैठक सुरु भएको छ । बैठक राष्ट्रपति कार्यालय शीतल निवासमा सुरु भएको हो ।
बैठकमा संसदको गतिरोध अन्त्य लगायतका समसामयिक विषयमा छलफल हुने बताइएको छ । आजको बैठकमा राष्ट्रपतिसहित प्रधानमन्त्री पुष्पकमल दाहाल ‘प्रचण्ड’, कांग्रेस सभापति शेरबहादुर देउवालगायत संसदमा प्रतिनिधित्व गर्ने दलहरू सहभागी छन् ।
बैठकमा प्रमुख प्रतिपक्षी दल एमाले भने सहभागी भएको छैन । संसद्को गतिरोध अन्त्यका लागि प्रधानमन्त्री पुष्पकमल दाहाल प्रचण्डसँग छलफल चलिरहेको भन्दै राष्ट्रपतिले बोलाएको बैठकको औचित्य नभएको एमालेले जनाएको छ । एकातिर प्रयत्न भइरहेका बेला राष्ट्रपतिले बैठक बोलाएपछि एमाले अध्यक्ष ओलीले आपत्ति जनाएका थिए ।
संसद्मा जारी अवरोध हटाउन राष्ट्रपतिले प्रधानमन्त्री पुष्पकमल दाहाल ‘प्रचण्ड’ र प्रमुख प्रतिपक्षी दल नेकपा एमालेका अध्यक्ष केपी शर्मा ओलीसँग छुट्टै छलफल गरिसक्नुभएको छ। यस्तै प्रतिनिधिसभाका सभामुख र राष्ट्रियसभाका अध्यक्षसँग पनि राष्ट्रपतिले परामर्श गरिसक्नुभएको छ ।
प्रमुख प्रतिपक्षी दल एमालेले गरेको आरोधका कारण संसद् बैठक साउन १० गतेदेखि अवरुद्ध हुँदै आएको छ ।
सोमवार अबेर रातिसम्म बसेको बैठकमा त्रिभुवन अन्तर्राष्ट्रिय विमानस्थल भन्सार बाहिरबाट समातिएको सुन सम्बन्धमा छानबिनका लागि उच्चस्तरीय आयोग गठन गर्नेबारे दलहरू सहमति नजिक पुगेका छन् । प्रहरीको केन्द्रीय अनुसन्धान ब्युरो ९सीआइबी०ले गरिरहेको अनुसन्धान टुंग्याएपछि त्यस्तो आयोग गठन गर्न सत्तापक्ष तयार भएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच