भोजपुर । पहाडी जिल्ला भोजपुरको स्थानीय टुँडिखेलमा भाद्र २७ गतेबाट हुने अण्डर १६ अन्तर बिद्यालय स्तरीय बिहानी कप फुटवल प्रतियोगितामा चौध विद्यालयले सहभागिता जनाउने भएका छन । बाल दिवसको अवसर पारेर बिद्यालय स्तरीय पुरुष फुटबल प्रतियोगिताको आयोजना गरिएको हो ।
बिहानी फुटवल क्लव भोजपुरको आयोजना तथा जिल्ला फुटवल संघको संयोजनमा अण्डर १६ अन्तर बिद्यालय स्तरीय प्रतियोगिता हुन लागेको क्लवका अध्यक्ष रिपेश भुजेलले जानकारी दिनुभयो । अध्यक्ष भुजेलले भन्नुभयो, “बिद्यालय स्तरीय प्रतियोगितालाई प्रोत्साहन गर्नका लागि क्ललले फुटबलको आयोजना गरेको हो ।” सदरमुकाम आसपास र अन्य गरी प्रतियोगिताका लागि १४ टिमले प्रवेशका लागि आवेदन दर्ता गराएका छन् ।
प्रतियोगितामा प्रथम र दोश्रो हुने टिमले नगद २० हजार, नगद १० हजारका साथमा ट्रफी, मेडल र प्रमाण पत्र पाउने छन् । यस्तै बेष्ट गोलकिपर, बेष्ट डिफन्डर, बेष्ट मिडफिल्डर, उत्कृष्ट खेलाडीहरुका लागि समेत पुरस्कारको ब्यवस्था गरिएको आयोजक बिहानी फुटबल क्लवले जनाएको छ ।
प्रतियोगिता भाद्र २७ गते देखि ३० गतेसम्म संचालन हुने आयोजक संस्थाले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच