सुनसरी । धरान उपमहानगरपालिकाका उपमेयर अइन्द्रविक्रम बेघाको घरमा आक्रमण र तोडफोड गर्ने एक जनालाई प्रहरीले पक्राउ गरेको छ ।
सुनसरी प्रहरीका अनुसार घटनामा संलग्न एक जनालाई पक्राउ गरिएको र अन्यको खोजी भइरहेको छ ।
घटनाको विषयमा अनुसन्धान भइरहेको प्रहरीले बताएको छ । राजनीतिक कारण भन्दा विवादको अरू नै कारण रहेको बताइएको छ ।
मंगलबार बेलुका धरान-१५ स्थित बेघाको घरमा भएको तोडफोडबाट उहाँका कान्छा भाइ विष्णु घाइते हुनुभएको छ । उहाँको बिपी कोइराला स्वास्थ्य विज्ञान प्रतिष्ठानमा उपचार भइरहेको छ ।
बेघाको घरमा पसेर हतियारसहितको समूहले तोडफोड गरेको थियो ।
घटना के कारणले भएको हो भनेर अनुसन्धान भइरहेको धरान इलाका प्रहरी कार्यालयका डीएसपी नवराज मल्लले बताउनुभयो । धरानमा पछिल्लो समय अराजक गतिविधि बढ्दै गएका छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच