काठमाडौं । फेरि अस्पताल भित्रै एक जना डाक्टर कुटिएका छन् ।
आइतबार दिउँसो साढे १२ बजेतिर सिनामंगलस्थित काठमाडौं मेडिकल कलेजका इन्टर्न डाक्टर मनिष खड्कामाथि आक्रमण भएको हो ।
एक बिरामीका आफन्तले डा. खड्कामाथि कुटपिट गरेपछि त्यहाँ कार्यरत सम्पूर्ण चिकित्सकहरू अस्पतालको सेवा बन्द गरी आन्दोलनमा उत्रिएका छन् ।
उनीहरुले काम बन्द गरेर अस्पताल अगाडिको सडकमा धर्ना दिएका छन् ।
अस्पताल प्रबन्धक नारायणप्रसाद दाहालका अनुसार ओपिडी अगाडि भीड भएपछि डा. मनिष खड्काले उनीहरुलाई लाइनमा बस्न भन्दा डाक्टरमाथि हातपात भएको थियो।
केएमसीमा डाक्टरमाथि कुटपिट भएपछि त्यस वरपर र भक्तपुरका अन्य अस्पतालका डाक्टरहरू पनि त्यहाँ पुगेर नाराबाजी गरिरहेका छन्।
चिकित्सकहरूले सडक बन्द गर्न लागेपछि अहिले केएमसीमा ठूलो संख्यामा प्रहरी परिचालन गरिएको छ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच