काठमाडौं । गायिका दिलमाया खातीको निधन भएको छ । ८४ वर्षको उमेरमा उहाँको मंगलबार राति निधन भएको हो । ‘विछोडको पीडा नसकी खप्न दशैँको बेलामा’, ‘खोलाको दुई किनार’, ‘सम्हाल पछ्यौरी’, ‘सम्झे है बुझे है यो मेरो जोवन’लगायत थुप्रै नेपाली गीतमा खातीको स्वर छ ।
दार्जिलिङको घुम पहाडमा विसं १९९६ साउन २३ मा जन्मिनुभएकी उहाँले नेपालाई कर्मथलो बनाउनुभएको थियो । खाती पहिलो पटक सन् १९६२ मा काठमाडौं आउनुभएको थियो । काठमाडौं आएका बेला उहाँले गीत गाएको सुनेर संगीतकार शिवशंकर, नातिकाजी श्रेष्ठ र गायिका तारादेवीले नेपाली गीत गाउन आग्रह गर्नुभएको थियो । त्यसपछि उहाँले नेपाली गीत गाउन थाल्नुभएको थियो । अविवाहित दिलमायाले वरिष्ठ गायक गायिका एवं संगीतकारसँग काम गर्नुभएको छ ।
संगीतकार एवं गायक गोपाल योञ्जन, कर्म योञ्जन, नारायण गोपाल, तारादेवी, मिरा राणासँग उहाँले गीत गाउनुभएको छ । उहाँले १५० भन्दा धेरै नेपाली गीत गाउनुभएको छ । उहाँ लामो समयदेखि दमको रोगबाट पीडित हुनुहुन्थ्यो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच