पाल्पा । पाल्पामा डाक्टरको हाजिर भएको ३ दिनमै सरुवा भएको छ । असोज १६ गते पाल्पा अस्पतालमा मेडिकल सुपरिटेन्डनका रुपमा आउनुभएका डा. किशोर बञ्जाडेको ३ दिनमै सरुवा भएको हो ।
दशौ तहका एम.डि.जि.पि. डा. बञ्जाडेलाई लुम्बिनी प्रदेश सरकारका स्वास्थ्यमन्त्री राजु खनालले गुल्मी जिल्ला अस्पतालमा सरुवा गर्नुभएको हो । असोज १६ गते अस्पतालमा हाजिरी हुनुभएका डा. बञ्जाडेलाई असोज १८ गते सरुवा गरिएको छ ।
संघीय सरकार अन्तर्गत रहनुभएका डा. बञ्जाडेले पाल्पा अस्पतालमा रमाना लिएर हाजिर हुँदा प्रदेश स्वास्थ्यमन्त्री खनालसँग सहकार्य नगरेका कारण सरुवा गरिएको स्रोतले जनाएको छ । बञ्जाडे भने लुम्बिनी प्रदेश मुख्यमन्त्री कार्यालयबाट सहमति स्विकृति पत्र लिएर आएको अस्पताल प्रशासनले जनाएको छ ।
अस्पताल विकास समितीका अध्यक्ष गुराश आत्रेयको अगुवाईमा बसेको सर्वदलीय बैठकले हाजिर भएको ३ दिनमै गरिएको सरुवा मान्य नभएको बताएको छ । पाल्पाका सम्पूर्ण राजनीतिक दलहरुले गैरकानुनी रुपमा गरिएको सरुवा पाल्पाली जनतालाई मान्य नभएको बताएका छन् । डा. बञ्जाडेले कपिलबस्तु जिल्लामा कार्यरत रहँदा अस्पतालको सुधारमा महत्वपूर्ण भूमिका खेलेका कारण लुम्बिनी प्रदेशमै अस्पताल प्रथम भएको थियो ।
पाल्पा अस्पतालमा ११ औ तहका चिकित्सकको दरवन्दी रहेको छ । अस्पतालमा कन्सल्टेन्ट चिकित्सक ११ जना, मेडिकल अधिकृत ६ जनाको दरवन्दी रहेपनि हाल कन्सल्टेन्ट २ जना र छात्रबृत्तिमा अध्ययनरत ३ जना मेडिकल अधिकृत कार्यरत रहेको अस्पताल विकास समितिका अध्यक्ष गुराश आत्रेयले बताउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच