नवलपरासी । लुम्बिनी चिनी उद्योगबाट उत्पन्न प्रदूषण तत्काल नियन्त्रण गर्नुपर्ने माग गर्दै लुम्बिनी चिनी उद्योग प्रदूषण नियन्त्रण संघर्ष समिति सुनवल, पश्चिम नवलपरासीले उद्योग सञ्चालकलाई ज्ञापनपत्र बुझाएको छ । युवराज ढकाल संयोजक रहेको ३१ सदस्यीय संघर्ष समितिले उद्योग र सुनवल नगरपालिकाबीच पटक-पटक भएको सम्झौता कार्यान्वयन हुनुपर्ने, उद्योगबाट निस्केको फोहोर पानी व्यवस्थापन गर्नुपर्ने, उद्योगबाट निस्कने दुर्गन्ध पूर्णरूपमा हट्नुपर्ने र इन्धनका रूपमा प्रयोग भएको धानको भुस तत्काल रोक्नुपर्नेसहित चारबँुदे मागसहित सोमबार ज्ञापनपत्र बुझाएको हो ।
तीन दिनभित्र उद्योगले स्थानीयवासीको समस्या सम्बोधन नगरे मिल सञ्चालन गर्न नदिने संघर्ष समितिका सचिव अर्यालले बताउनुभएको छ ।
ज्ञापनपत्रमा लुम्बिनी चिनी उद्योगको प्रदूषणका कारण नगरभित्रका ८० हजार स्थानीय जनताको स्वास्थ्यमा गम्भीर असर पुगेकाले नियन्त्रण गर्न नसके कि बन्द गर्नुपर्ने नभए अन्यत्र स्थानान्तरण गर्नुपर्ने माग गरिएको छ । २०६२/०६३ सालमा एकाएक उद्योग निजीकरण भएपछि चिनी उद्योगबाट निस्कने प्रदूषणले विशेषगरी सुनवलका वडा नम्बर १, २, ३, ४ र ६ का स्थानीयवासी बढी प्रभावित भएका छन् ।
चिनी मिलबाट निस्केको कालो धुवाँले घरबाहिर कुनै पनि सामान र धोएर सुकाएको कपडामा कालो खरानी बस्ने गरेको छ । त्यतिमात्र नभई करेसाबारीमा लगाइएका सागसब्जीमा समेत काला टीकाजस्तो बस्नुका साथै दुर्गन्धले सुँघ्ने र स्वाद पाउने क्षमतामा समेत कमी आएको स्थानीयको गुनासो छ ।
ऊखु किसानलाई समेत समस्या नहोस् भनी ऊखु काट्नुभन्दा पहिल्यै उद्योगलाई समस्या समाधान गर्न ज्ञापनपत्र बुझाइएकाले तीन दिनभित्र उद्योगले स्थानीयवासीको समस्या सम्बोधन नगरे मिल सञ्चालन गर्न नदिने संघर्ष समितिका सचिव प्रदीप अर्यालले बताउनुभएको छ । लुम्बिनी प्रदेश सांसद खडक बस्नेत, वडा १ का वडाध्यक्ष मनबहादुर थापा मगर, वडा सदस्य कृष्णबहादुर क्षेत्रीलगायत स्थानीयवासीको उपस्थितिमा ज्ञापनपत्र बुझाइएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच