काठमाडौं । राष्ट्रिय खेलकुद परिषद्का सदस्य-सचिव टंकलाल घिसिङले अर्मेनियाको येरेभानमा हुने आइबा विश्व जुनियर बक्सिङ च्याम्पियनसिपमा सहभागी हुने एक खेलाडीसहित दुई सदस्यीय बक्सिङ टोलीलाई बिदाइ गर्नुभएको छ । नोभेम्बर २३ देखि २४ तारिखसम्म हुने प्रतियोगिताको पुरुष ७० केजीमा नुर्बु थेन्डुप शेर्पाले नेपालको चुनौती प्रस्तुत गर्नुहुनेछ । प्रशिक्षकमा लालबहादुर पौडेल हुनुहुन्छ ।
टोलीलाई राष्ट्रिय खेलकुद परिषद्का सदस्य-सचिव टंकलाल घिसिङ, नेपाल बक्सिङ महासंघका अध्यक्ष राम अवालेलगायतले सोमबारै एक कार्यक्रमबीच बिदाइ गर्नुभयो । बिदाइका अवसरमा बक्सिङ महासंघका उपाध्यक्ष ओमनारायण श्रेष्ठले प्रतियोगितामा नुर्बुलाई एक ‘बाउट’ जितका लागि २५ हजार नगद पुरस्कार प्रदान गर्ने घोषणा गर्नुभयो ।
सोही अवसरमा श्रेष्ठले गत असोजमा चीनको हाङझावमा भएको १९औँ एसियाली खेलकुदको बक्सिङमा एक ‘बाउट’ मा जित हात पारेका रविन थापालाई प्रोत्साहनस्वरूप पूर्वघोषित १० हजार नगद पुरस्कार पनि प्रदान गर्नुभयो । एसियाली खेलकुदमा रविनले पुरुष ५१ केजीको पहिलो चरणमा इण्डोनेसियाका खेलाडीलाई पराजित गर्नुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच