झापा । झापामा पूर्व राजा ज्ञानेन्द्र शाहको कार्यक्रममा दुर्गा प्रसाईंको पक्षमा नाराबाजी भएको छ।
पूर्वराजाले यहाँस्थित पृथ्वीनारायण शाहको शालिक अनावरण गर्ने कार्यक्रममा प्रसाईंको पक्षमा नाराबाजी भएको हो ।
‘हाम्रा राजा हाम्रो देश, प्राण भन्दा प्यारो छ’ जस्ता नाराबाजी भइरहेको बेला सोही सभामा पुगेका केही प्रसार्ई समर्थकले ‘दुर्गा प्रसाईँ जिन्दावाद’ भन्ने नारा लगाएको कार्यक्रममा सहभागीले बताएका छन् ।
नागरिक बचाऊ अभियानअन्तर्गत मंसीर ७ गतेदेखि राजधानी केन्द्रीत आन्दोलन थालेका दुर्गा प्रसाईंको समर्थनका विषयमा राप्रपा भित्र दुई धार देखिएको छ । अध्यक्ष राजेन्द्र लिङ्देनसहित केही नेता मौन बसिरहेका बेला प्रवक्ता ज्ञानेन्द्र शाही, रवीन्द्र मिश्र लगायतका नेता भने प्रसाईंको समर्थनमा छन् ।
झापामा राप्रपाको नेतृत्वमा आज राजाबादीहरुले प्रदर्शन गरिरहेका छन् । पूर्वराजा ज्ञानेन्द्र शाहको उपस्थितिमा आज झापाको बिर्तामोड पञ्चकन्यास्थित इकम कलेजको उद्घाटन तथा पृथ्वी नारायण शाहको सालिक अनावरण गर्ने कार्यक्रम थियो । सोही कार्यक्रममा प्रसाईं समर्थकले नाराबाजी गरेका हुन् ।
उक्त कार्यक्रममा राप्रपाका अध्यक्ष राजेन्द्र लिङ्देनसहित राप्रपा हजारौँ समर्थकको सहभागिता रहेको दाबी गरिएको छ । कार्यक्रम अघि आजै विहान मोटरसाइकल र्याली पनि गरिएको थियो ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच