काठमाडौं । नेपाल र्याफ्टिङ एण्ड क्यानोइङ संघको पाँचौँ चुनावी साधारण सभाले राजीव श्रेष्ठको अध्यक्षतामा १३ सदस्यीय केन्द्रीय कार्यसमिति शनिबार निर्विरोध चयन गरेको छ । यसअघि श्रेष्ठ करिब तीन वर्ष संघको कार्यवाहक अध्यक्षको भूमिकामा हुनुहुन्थ्यो ।
र्याफ्टिङमा आउनुअघि श्रेष्ठ नेपाल बक्सिङ संघ (अहिले नेपाल बक्सिङ महासंघ) को नेतृत्वमा हुनुहुन्थ्यो । बक्सिङ संघमा श्रेष्ठ सदस्य, सह-महासचिव र महासचिव हुँदै एक कार्यकाल अध्यक्षको जिम्मेवारीमा हुनुहुन्थ्यो । श्रेष्ठ नेपाल ओलम्पिक कमिटीका पूर्व सह-महासचिव हुनुहुन्छ ।
नवनिर्वाचित केन्द्रीय कार्यसमितिको वरिष्ठ उपाध्यक्षमा सूर्यप्रसाद जोशी तथा उपाध्यक्षद्वयमा गोविन्दप्रसाद थपलिया र महेन्द्रसिंह थापा रहनुभएको छ । सुदीपराज गौतमले महासचिव, सुनिल अर्यालले सचिव र महेश थापाले कोषाध्यक्षको जिम्मेवारी पाउनुभयो । रिता अधिकारी, दीपक भुजेल, निमबहादुर मगर, कुमार श्रेष्ठ, रुनिका डंगोल र कौशिला प्रधान सदस्यमा चयन हुनुभयो ।
नवनिर्वाचित पदाधिकारीहरूलाई प्रमुख निर्वाचन अधिकृत एवं राष्ट्रिय खेलकुद परिषद्अन्तर्गत खेलकुद विकास विभागका प्रमुख मिनकुमार शर्माले पद तथा गोपनीयताको शपथ ग्रहण गराउनुभएको थियो । साधारण सभामा चार प्रदेशबाट आठ तथा केन्द्रबाट २४ गरी जम्मा ३२ प्रतिनिधिको उपस्थिति रहेको जनाइएको छ ।
यता, भुपेन्द्र चाम्लिङ ‘भुपाल’को नेतृत्वमा नेपाल पाराग्लाइडिङ एण्ड हृयाङलाइडिङ संघको नयाँ कार्यसमिति गठन भएको छ । संघको नयाँ कार्यसमितिमा किरणकुमार राई वरिष्ठ उपाध्यक्ष तथा उपाध्यहरूमा शैलेन्द्र राउत, कृष्ण भण्डारी र सुनिल भट्टराई रहनुभएको छ । महासचिवमा इन्द्र भण्डारी, उपमहासचिवमा मिनाकुमारी राई, सचिवमा प्रकाश पोख्रेल तथा कोषाध्यक्षमा बलराम आचार्य हुनुहुन्छ ।
सदस्यहरूमा रोशनविक्रम राई, सरिता आङदम्बे, अविनाश रम्तेल, रमेश न्यौपाने, कृष्णजंग केसी, राजेश गिरी, कृष पौडेल, हरिकृष्ण रावल, विजय गौतम, कृष्ण अधिकारी, विमल पहरी र लक्ष्मण थापा रहनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच