राजविराज । सप्तरी सदरमुकाम राजविराजको होटलमा महिलालाई जबर्जस्ती वेश्यावृत्ति गराएको आरोपमा दुई जनालाई पक्राउ गरेका छन् ।
राजविराज नगरपालिका–३ स्थित लक्ष्मी गेस्ट हाउसका सञ्चालक र म्यानेजर पक्राउ परेपछि यस्तो तथ्य खुलेको हो ।
प्रहरीले वेश्यावृत्ति गराएको आरोपमा लक्ष्मी गेस्ट हाउसका सञ्चालक राजविराज नगरपालिका–६ का ५७ वर्षीय अरुण चन्द्र मिश्र र गेस्ट हाउसका म्यानेजर महादेवा गाउँपालिका –२ का ४१ वर्षीय रामप्रकाश मण्डललाई पक्राउ गरेको छ ।
गेस्ट हाउसमा वेश्यावृत्ति हुने गरेको सूचनाका आधारमा खटिएको प्रहरीले उनीहरु दुवै जनालाई पक्राउ गरेको हो । उनीहरूले महिलाहरूलाई बिभिन्न प्रलोभन देखाई जबरजस्ती वेश्यावृत्तिमा संलग्न गराउने गरेको भेटिएपछि मिश्र र मण्डललाई पक्राउ गरिएको सप्तरी प्रहरीका डीएसपी ढुण्डिराज नेउपानेले बताउनु भयो ।
दुवैलाई मानवबेचबिखन तथा ओसारपसार नियन्त्रण ऐन, २०६४ अन्तर्गतको कसुरमा आइतबार सप्तरी जिल्ला अदालतमा उपस्थित गराई म्याद लिएर अनुसन्धान भइरहेको उहाँले बताउनु भयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच