काठमाडौं । नेपालले सातौं दक्षिण एसियाली कराँते च्याम्पियनसिपको पहिलो दिन शनिबार १२ स्वर्ण जितेको छ । छिमेकी भारतले भने १५ स्वर्णमाथि कब्जा जमायो । पहिलो दिन २९ स्वर्णको टुंगो लाग्दा श्रीलंका (एनओसी टिम) र बंगलादेशले समान १-१ स्वर्ण हात पारे ।
नेपाल कराँते महासंघद्वारा आयोजित प्रतियोगिताको क्याडेट महिला एकल कातामा प्रजिस्मा श्रेष्ठले नेपाललाई पहिलो स्वर्ण दिलाउनुभयो । प्रजिस्माको स्वर्ण प्रतियोगिताकै पहिलो स्वर्ण पनि हो । प्रजिस्माले फाइनलमा बंगलादेशकी मारिमास्वे नाइलाई पराजित गर्नुभयो । उक्त स्पर्धाको पुरुषमा नेपालका रेहान जावेदले बंगलादेशका उथेयनलाई हराउँदै शीर्षस्थान हात पार्नुभयो ।
त्रिपुरेश्वरस्थित राष्ट्रिय खेलकुद परिषद्को कभर्डहलमा भएको यू-२१ पुरुष एकल कातामा भारतका प्रसदा जाग्रुट मन्जोरी पहिलो र श्रीलंकाका एडवार्ड ब्रियोन दोस्रो हुनुभयो । सो स्पर्धाको महिलामा भारतकी सुरोमती सिन्हाले नेपालकी गीता पौडेललाई पाखा लगाउँदै पहिलो बन्नुभयो ।
यू-२१ को महिला ६१ केजीमुनि भारतकी प्रशान्त सान्खे भारगवीले नेपालकी उर्साला पहरीलाई पाखा लगाउँदै स्वर्ण जित्नुभयो । महिला ६८ केजीमुनि नेपालकी आशिका राईले भारतकी पर्विन साइरालाई निराश पार्दै स्वर्ण चुम्नुभयो । महिला ६८ केजीमाथि भारतकी दीक्षा पहिलो हुनुभयो । दीक्षाले फाइनलमा नेपालकी दिया थापाको चुनौती पन्छाउनुभयो ।
क्याडेटको पुरुष ७० केजीमुनि भारतका अरविन्द कार्तिक रेड्डीले नेपालका नेहाल मण्डलमाथि जित रच्दै पहिलो हुनुभयो । पुरुष ७० केजीमुनि भारतका प्रतापसिंह वीरले फाइनलमा नेपालका निगम तिम्सिनालाई पाखा लगाउँदै शीर्षस्थानमा रहनुभयो । महिला ४२ केजीमुनि श्रीलंकाकी करुणारत्नेले भारतकी रिचालाई पन्छ्याउँदै पहिलो हुनुभयो ।
महिला ४७ केजीमुनि नेपालकी पोर्सिया चौधरीले बाजी मार्नुभयो । पोर्सियाले फाइनलमा भारतकी मोहन जनाइमाथि जित दर्ता गर्नुभयो । महिला ५४ केजीमुनि भारतकी रुसा टम्बटले नेपालकी आयुशा प्रधानलाई पराजित गर्दै शीर्षस्थानमा रहनुभयो । महिला ६१ केजीमुनि भारतकी पूजा सोनीले नेपालकी एलिना थिङलाई हराउँदै स्वर्ण हात पार्नुभयो । महिला ६१ केजीमाथि भारतकी खुसी कुमारी पहिलो हुनुभयो ।
क्याडेटको पुरुष ४५ केजीमुनि बंगलादेशका मार्मा पहिलो बन्नुभयो । फाइनलमा नेपालका छत्र थापा ‘मेडिकल डिस्क्वालिफाइ’ हुनुभएको थियो । पुरुष ५२ केजीमुनि नेपालका ऋतिक लामाले बंगलादेशका सौकत अली सैद मोहम्मदमाथि जित निकाल्दै शीर्षस्थान कब्जा गर्नुभयो । पुरुष ५७ केजीमुनि फाइनलमा नेपालका आकाश सैजुवालले भारतका जियान चौधरीविरुद्ध जित आत्मसात् गर्दै पहिलो हुनुभयो । पुरुष ६३ केजीमुनि भारतका गगनदीप माथुरले नेपालका साहिल राईलाई पराजित गरी स्वर्ण जित्नुभयो ।
यू–२१ महिला ४० केजीमुनि भारतकी तृप्ति पाल पहिलो हुनुभयो । तृप्तिले फाइनलमा नेपालकी निक्षा थापा मगरलाई हराउनुभयो । महिला ४५ केजीमुनि नेपालकी पार्वती गुरुङ च्याम्पियन बन्नुभयो । पार्वतीले फाइनलमा बंगलादेशकी अर्पा सलिहाको चुनौती समाप्त पार्नुभयो । महिला ५० केजीमुनि नेपालकी पुष्पका लामाले स्वर्ण चुम्नुभयो । पुष्पकाले फाइनलमा भारतकी ज्योतिलाई निराश पार्नुभयो । महिला ५५ केजीमुनि नेपालकी सोनु श्रेष्ठले स्वर्ण जित्दा भारतकी दीपिकाले रजतमा चित्त बुझाउनुभयो ।
पुरुष ८४ केजीमुनि भारतका सोखर दोस सुमनले नेपालका सुरेश जप्रेललाई पराजित गर्दै स्वर्ण हात पार्नुभयो । पुरुष ८४ केजीमाथि भारतका हर्ष गुलियाले नेपालका आशिष श्रेष्ठलाई हराउँदै पहिलो बन्नुभयो । ७५ केजीमुनि भारतका वइभव वालियाले नेपालका निशान राणालाई पाखा लगाउँदै पहिलो हुनुभयो । ६० केजीमुनि नेपालका दर्जी भण्डारीले श्रीलंकाका आरके मदुरंगालाई पन्छ्याउँदै पहिलो हुनुभयो ।
प्रतियोगितामा नेपालसहित भारत, बंगलादेश, श्रीलंका (एनओसी टिम), भुटान र पाकिस्तानबाट १ सय ३ महिला र १ सय ३४ पुरुष गरी २ सय ३७ खेलाडी सहभागी छन् । आइतबार सम्पन्न हुने प्रतियोगितामा ६२ स्पर्धामा प्रतिस्पर्धा भइरहेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच