काठमाडौं । नेपाली महिला राष्ट्रिय फुटबल टोलीकी गोलकिपर एञ्जिला तुम्बापो सुब्बा र डिफेन्डर गीता राना सेथु फुटबल क्लबबाट भारतीय महिला लिग खेल्न आइतबार त्यसतर्फ प्रस्थान गर्नुभएको छ । एञ्जिला लगातार दोस्रो वर्ष सेथुबाट खेल्न लाग्नुभएको हो भने गीता पहिलोपटक आबद्ध हुनुभएको हो ।
गत महिना नै उहाँहरूको क्लबसँग सम्झौता भएको थियो । दुवैजनाले एफिएफ फुटबल क्लबबाट घरेलु फुटबल खेल्नुहुन्छ । गत सिजन सेथुले सेमिफाइनलसम्म यात्रा तय गर्दा पनि एञ्जिलाले टोलीबाट खेल्नुभएको थियो । एञ्जिलाले लगातार दोस्रो सिजन सेथुबाट खेल्न पाउँदा खुसी लागेको बताउनुभयो ।
गत सिजन एञ्जिला सम्मिलित सेथु सेमिफाइनलमा किकस्टार्ट फुटबल क्लबसँग पराजित भएको थियो । उक्त क्लबमा नेपालकै सरु लिम्बू र कप्तान रेनुका नगरकोटेले खेल्नुभएको थियो । महिला लिगको नयाँ सिजन डिसेम्बर दोस्रो सातादेखि मार्चसम्म चल्नेछ ।
एञ्जिलासँगै नेपालका अन्य खेलाडीको पनि लिगमा अनुबन्ध हुने सम्भावना छ । गत सिजन ६ नेपाली खेलाडीले लिग खेल्नुभएको थियो । एञ्जिलासँगै लिग विजेता सावित्रा भण्डारी, सरु लिम्बू, रेनुका नगरकोटे, अनिता बस्नेत र रेखा पौडेलले खेल्नुभएको थियो । दीपा शाही लर्ड्स एफएमा अनुबन्धित भए पनि उमेर नपुग्दा खेल्न पाउनुभएको थिएन ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच