काठमाडौं । गीतकार अमर वान्तुको नयाँ गीत ‘अरे क्यानाम’ सार्वजनिक भएको छ । शहिमा श्रेष्ठ र मोहन श्रेष्ठको स्वर, राजनराज शिवाकोटीको संगीत र शाहस शाक्यको एरेन्ज रहेको गीतको भिडियो सार्वजनिक भएको हो ।
गम्भीर विष्टको निर्देशन रहेको गीतको भिडियोमा राज आचर्य, सजीना श्रेष्ठ, प्रकाश बस्नेत र सहिमाको नृत्य एवं अभिनय रहेको छ । डान्सिङ भर्सनको गीतको भिडियोमा आचार्य र श्रेष्ठबीचको अन्स्क्रिन प्रेम र आकर्षणलाई प्रस्तुत गरिएको छ । गीतको भिडियो सहिमाको अफिसियल युट्युब च्यानलमार्फत सार्वजनिक गरिएको हो ।
वान्तुका ‘परिभाषाका राँटाहरू’ (केही गीत, केही कविता) संग्रह र ‘अमर भावना’ र ‘अमर भावना-२’ एल्बम पाठक/श्रोता र दर्शकमाझ आएका छन् । उहाँका थुप्रै फुटकर गीत, कविता र गजल पनि सार्वजनिक छन् । ‘परिभाषाका राँटाहरू’ पहिलो काव्यकृति हो उहाँको । गीत लेखन तथा सामाजिक कार्यहरूमा आफूलाई सक्रिय बनाउँदै आउनुभएका वान्तुको ‘गर्मी भयो धरान...’लगायत थुप्रै गीत श्रोता/दर्शकले अत्यधिक मन पराएका छन् । आफ्ना अन्य गीत जस्तै ‘अरे क्यानाम’ले पनि श्रोता/दर्शकको साथ पाउनेमा आफू आशावादी रहेको गीतकार वान्तुले बताउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच