काठमाडौं । नेपाल सुनचाँदी व्यवसायी महासंघले सुनचाँदी व्यवसायीलाई अनावश्यक दुःख दिने र बिनाकारण फसाउने कार्य रोक्न राजस्व अनुसन्धान विभागको ध्यानाकर्षण गराएको छ । महासंघ अध्यक्ष माणिकरत्न शाक्य नेतृत्वको संघको प्रतिनिधिमण्डलले विभागका उच्च अधिकारीको ध्यानाकर्षण गराएको हो । छलफलका क्रममा विभागका महानिर्देशक नवराज ढुंगानाले राज्यको नीति नियम पालना गरी पेशा व्यवसाय गर्नेलाई अनावश्यकरूपमा दुःख दिने नीति विभागको नभएको प्रष्ट पार्नुभयो ।
उहाँले भन्नुभयो, ‘सरकारले तोकेको मापदण्डमा आधारित रही कारोबार गर्ने व्यवसायीलाई अनावश्यकरूपमा अनुसन्धानका नाममा दुःख दिने नीति विभागको छैन, राज्यले तोकेका नीति नियमको उल्लंघन गरेको अवस्थामा भने त्यसलाई छोड्न सकिँदैन ।’
महासंघ अध्यक्ष शाक्यले सुनचाँदी क्षेत्रमा आबद्ध व्यवसायीलाई परेको समस्या तथा समस्या समाधानका लागि विभागले खेल्नुपर्ने भूमिकालगायतका विषयमा जानकारी गराउनुभयो । छलफल कार्यक्रममा महासंघ अध्यक्ष शाक्यसहित उपाध्यक्ष विपिन रामुदामु र नेपाल सुनचाँदी रत्न तथा आभूषण महासंघका वरिष्ठ उपाध्यक्ष रामप्रसाद लकान्द्रीलगायतको सहभागिता थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच