काठमाडौं । अमेरिकी कम्पनीले नेपालमा डिजिटल ट्विन टेक प्रविधि नेपाल भित्र्याएको छ । नेपाल निर्माण व्यवसायी महासंघसँगको सहकार्यमा आइतबार काठमाडौंमा आयोजित एक कार्यक्रममा उक्त कम्पनीका अधिकारीहरूले डिजिटल ट्विन टेकका विशेषताबारे जानकारी गराएका छन् । कम्पनीका अनुसार उक्त प्रविधिमार्फत् घर वा कार्यालयबाटै विकास निर्माण आयोजनाको भर्चुअलरूपमा निरीक्षण र अनुगमन गर्न सकिन्छ ।
भर्चुअलरूपमै अनुगमन र निरीक्षणले समय र खर्चसमेत जोगिने कम्पनीको दाबी छ । सो अवसरमा भौतिक पूर्वाधार तथा यातायातमन्त्री प्रकाश ज्वालाले डिजिटल ट्विन टेक प्रविधि नेपालका लागि पनि उपयोगी हुन सक्ने भन्दै उक्त प्रविधि प्रयोगमा जोड दिनुभयो । उहाँले भन्नुभयो, ‘प्रविधिको जमाना भए पनि हामी प्रविधिमा पछाडि नै छौँ ।
प्रविधि र पूर्वाधारलाई जोडेर नेपालका पूर्वाधार पनि प्रविधिमैत्री बनाउनुपर्छ ।’ कार्यक्रममा उक्त कम्पनीका नेपाल अध्यक्ष डिबी चन्द, निर्देशक अजय शाह, निर्माण व्यवसायी महासंघका अध्यक्ष रवि सिंहलगायत पूर्वाधारसँग सम्बन्धित सरोकारवाला निकायको सहभागिता रहेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच