काठमाडौं । भारतमा जारी स्ट्रेन्थ लिफ्टिङ वल्र्ड तथा आइबिपी च्याम्पियनसिपको १०औं संस्करणमा नेपालका तीनजना खेलाडीले स्वर्ण पदक जित्नुभएको छ । भारतको हैदरावादस्थित लालबहादुर शास्त्री इण्डोर स्टेडियममा डिसेम्बर २१ तारिख सम्पन्न प्रतियोगितामा झापाका खेलाडीले स्वर्णसहित दोहोरो पदक जित्नुभएको हो । झापाका प्रसिद्ध भक्तराज लावटले एक स्वर्ण र एक रजत, सोनी दासले एक स्वर्ण र एक रजत र मेनुका पौडेलले एक स्वर्ण पदक प्राप्त गर्नुभएको छ ।
यसैबीच, प्रतियोगितामा नेपालले १६ स्वर्ण, १४ रजत र चारवटा कास्य पदक जितेको छ । प्रतियोगितामा नेपाल स्ट्रेन्थ लिफ्टिङ एसोसिएसनको तर्फबाट १५ जना महिला, ६ जना अन्तर्राष्ट्रिय रेफ्रीसहित ४५ जना खेलाडी सहभागी हुनुभएको थियो ।
स्ट्रेन्थ लिफ्टिङमा युरोप, अमेरिका, एसियासहित १६ वटा मुलुकका खेलाडी तथा रेफ्रीहरूको सहभागिता थियो । प्रतियोगितामा १३ वर्षदेखि ८० वर्षसम्म विभिन्न तौल समूहका खेलाडीहरूले प्रतिस्पर्धा गर्नुभएको थियो । यसअघि तुर्किमिनिस्तान भएको नवौं स्ट्रेन्थ लिफ्टिङ विश्वकपमा नेपालका तीनजना खेलाडीले मात्र पदक जित्नुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच