काठमाडौं । दराजले ‘बिक्रेता सम्मेलन’ आयोजना गरेको छ । ललितपुरको हेरिटेज गार्डेनमा बुधबार आयोजित कार्यक्रममा दराजका पदाधिकारी तथा बिक्रेता सहभागी थिए । सो अवसरमा दराजका प्रबन्ध निर्देशक आँचल कुँवरले कम्पनीसँग आबद्ध बिक्रेतालाई उत्कृष्ट अनुभव प्रदान गर्ने प्रतिबद्धता जनाउनुभयो । उहाँले भन्नुभयो, ‘बिक्रेताहरू दराजका मेरुदण्ड हुन् । दराजको रोमाञ्चक यात्रामा अटल सहयोग प्रदान गर्नुभएकोमा सम्पूर्ण बिक्रेतामा आभार प्रकट गर्न चाहन्छु । दराज अहिले जहाँ छ, यो स्थानमा पुग्नमा तपाईंहरूको ठूलो हात छ ।’
हालै सम्पन्न ११.११ सेलको सफलताबारे चर्चा गर्दै कुँवरले चाडपर्वको समयमा पर्नेे ११.११ सेलमा बिक्रेताको साथले कम्पनीले हरेक वर्ष अपेक्षा गरेभन्दा धेरै राम्रो सफलता प्राप्त गर्दै आएको बताउनुभयो । कार्यक्रममा विभिन्न श्रव्यदृश्य सामग्री प्रस्तुत गरेर बिक्रेतालाई बिक्री र व्यवस्थापनबारेमा जानकारी प्रदान गरिएको थियो ।
बिक्रेतालाई प्रोत्साहन गर्ने उद्देश्यले आयोजित कार्यक्रममा गत वर्षका १४ उत्कृष्ट बिक्रेतालाई विशेष विधाका ट्रफी, १० हजार रुपैयाँ बराबरको दराज भाउचरका साथै आकर्षक उपहार प्रदान गरिएको थियो । दराजका व्यवसाय निर्देशक प्रविन रुक्सानले दराजले नेपालका साना तथा मझौला उद्योगको विकासमा गरेको योगदानको चर्चा गर्नुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच