काठमाडौं । सडकमै खाऊँ, सडकमै रमाऊँ भन्ने नाराका साथ अंग्रेजी नयाँ वर्ष सन् २०२४ को अवसरमा विगतका वर्षजस्तै यस वर्ष पनि पोखरामा ‘स्ट्रिट फुड फेस्टिभल’ हुने भएको छ । महोत्सव आयोजक रेस्टुरेन्ट एण्ड बार एसोसिएसन (रेवान) ले १२-१६ पुससम्म सडक महोत्सव हुने जनाएको हो । महोत्सव पोखराको लेक साइडसम्मको करिब तीन किमी क्षेत्रमा हुने रेवानले काठमाडौंमा पत्रकार सम्मेलन गरी जानकारी दिएको छ ।
रेवान अध्यक्ष नरेश भट्टराईले महोत्सवको तयारी सकिएको र पोखरा पर्यटकलाई स्वागत गर्न तयार भएर बसेको बताउनुभयो ।
महोत्सवका मुख्य आकर्षणमा विभिन्न जातजातिको सांस्कृतिक कार्यक्रम, मौलिक भेषभूषा प्रदर्शनसँगै राष्ट्रिय तथा अन्तर्राष्ट्रिय खाना प्रदर्शन, दोहोरी गीत प्रतियोगिता, झाँकी, रात्रिकालीन कन्सर्ट, बोट रेस, वेटर रेस, टग अफ वार, भलिबल प्रतियोगिता रहने आयोजकले जनाएको छ । आयोजकका अनुसार महोत्सवमा सचेतनामूलक सडक नाटक, सेल्फी फोटो बुच, पोखराको पर्यटनको विकास, प्रवद्र्धन, अवसर तथा चुनौती विषयमा केन्द्रीकृत गरी टक शो कार्यक्रम, स्वदेशी उत्पादित हस्तकला, चित्रकला, मूर्तिकला तथा कृषि, वनस्पतिलगायत पनि प्रदर्शन गरिनेछ ।
यसपटक स्टेज शोका लागि खल्ती एपबाट अनलाइन टिकट काट्न सकिने व्यवस्था गरिएकोे छ भने विदेशी कार्डबाट आफन्त तथा साथीभाइका लागिसमेत टिकट काट्न सकिने व्यवस्था मिलाएको छ । महोत्सवको २५औँ वर्ष भएकाले यसपटक हल्लन चोकदेखि कन्सर्ट आयोजनास्थलसम्म विशेष आरती र शिव ताण्डव नृत्य प्रस्तुत गरिनेछ । नेपाल पर्यटन बोर्डका प्रवक्ता मणिराज लामिछानेले यस्ता महोत्सवले आन्तरिकमात्र नभएर बाहृय पर्यटकसमेत आकर्षित हुने र पर्यटन प्रवद्र्धन हुने बताउनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच