नवलपरासी । पश्चिम नवलपरासीमा रहेको यातायात व्यवस्था कार्यालयले चार महिनामा पाँच करोड २४ लाख ४४ हजार पाँच सय ६५ रुपैयाँ राजस्व संकलन गरेको छ । कार्यालय प्रमुख मुक्तिप्रसाद पाण्डेका अनुसार राजस्वमा पछिल्लो समय उल्लेखनीय वृद्धि भएको छ । उहाँले भन्नुभयो, ‘असोजसम्म तीन करोड ७३ लाख ४५ हजार राजस्व संकलन गरिएकोमा कात्तिकमा एक करोड ५० लाख ९९ हजार संकलन भएको छ । सबैभन्दा धेरै सवारीसाधन कर तीन करोड ७७ लाख ५३ हजार, सवारी नवीकरण ५२ लाख १९ हजार, चालक अनुमतिपत्र ७६ लाख ९१ हजार, आयकर ११ लाख ९४ हजार राजस्व संकलन गरेको छ ।
गत साउनमा कार्यालय स्थापनापछि कात्तिकसम्म तीन हजार छ सय ७४ जनाले चालक अनुमतिपत्र प्राप्त गरेका छन् । कुल पाँच हजार एक सय २६ जना परीक्षामा सहभागी रहेकोमा तीन हजार छ सय ७४ जना पास र एक हजार ४९ जना फेल भएको कार्यालय प्रमुख पाण्डेले बताउनुभयो । उहाँले भन्नुभयो, ‘कार्यालय स्थापनापछि विस्तारै सेवाग्राहीको संख्या बढिरहेको छ । कात्तिकसम्म मोटरसाइकल एक हजार नौ सय ४० जना र एक हजार नौ सय आठजनाले स्कुटीबाट प्रयोगात्मक परीक्षा दिएका थिए ।’ साउन १२ गतेदेखि मंसिर १५ गतेसम्म ११ पटक परीक्षा सञ्चालन गरिएको कार्यालयले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच