काठमाडौं । अल्टिमा लाइफ स्टाइल तीव्रगतिमा वृद्धि भइरहेको नेपाली एसेसरिज ब्राण्डले सन् २०२२ को तुलनामा सन् २०२३ मा सात सय प्रतिशतले वृद्धि गरी रेकर्ड तोडेको छ । यस वर्ष दुई सफल अभियान र नौ नयाँ उत्पादन सार्वजनिक गरेलगतै अल्टिमाले पछिल्लो समय नेपाली बजारमा विशिष्ट स्थान बनाएको हो । अल्टिमाले यस वर्षको ‘दराज सेलर समिट २०२३’ मा दराजको प्रतिष्ठित ‘सेलर अफ द इयर २०२३’ अवार्ड पाएको हो ।
कम्पनीका अनुसार प्रमुख छनोट मापदण्डमा जोड दिँदै अवार्डले दराज मार्केट प्लेसमा उत्कृष्ट प्रदर्शन र योगदानलाई मान्यता दिन्छ । उल्लेखनीय बिक्री आँकडा, ग्राहक सन्तुष्टि र उत्पादन गुणस्तरका कारण धेरै प्रतिस्पर्धीबीच अल्टिमा लाइफ स्टाइल माथि उठेको हो । अल्टिमा लाइफ स्टाइलले सन् २०२३ मा दराजमा अत्यधिक २६ हजारभन्दा बढी अर्डर प्राप्त गरेको छ, जसमा नोभेम्बरमा मात्र उल्लेखनीय १३ हजारभन्दा बढी अर्डरसहित सो महिनामा अन्य बिक्रेतामाझ उच्चतम् अर्डरको रेकर्ड कायम गरेको छ ।
अल्टिमाले सन् २०२२ फेब्रुअरीदेखि दराज यात्रा सुरु गरेकोमा यही वर्ष नै आफ्नो अफिसियल वेबसाइट पनि सुरु गरेको थियो । छोटो अवधिमा अल्टिमाले सबै विधामा जम्मा १९ हजारभन्दा बढी बिक्रेतामध्ये उत्कृष्ट रही उक्त उपाधि जितेर नोभेम्बरमा दराजमा सबैभन्दा धेरै बिक्री गरेको रेकर्ड पनि राख्न सफल भएको छ । कम्पनीले हाल टिडब्लुएस, स्मार्टवाच, पावरब्यांक र स्पिकर बजारमा उपलब्ध गराउँदै आएकोमा अन्य उत्पादन पनि ल्याउने भएको छ । कम्पनीका ब्राण्ड म्यानेजर अमन गुप्ताका अनुसार हालको योजनामा २५ भन्दा बढी उत्पादन समावेश छन्, जसमा नयाँ वर्ष २०२४ को सुरुवातमै पहिलो लन्चबाट हुनेछन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच