काठमाडौं । नेपाल सुपर लिगको उपाधिका लागि आज (शनिबार) धनगढी एफसी र ललितपुर सिटी एफसी भिड्दैछन् । दशरथ रंगशालामा साँझ साढे ५ बजे सुरु हुने खेलमा बलियो प्रतिस्पर्धा हुने अपेक्षा गरिएको छ । धनगढी एफसी लिग चरणमा दोस्रो हुँदै पहिलो क्वालिफायरमा पुगेको थियो । पहिलो क्वालिफायरमा उसले पोखरा थन्डर्स एफसीमाथि पेनाल्टीमा सनसनीपूर्ण जित हात पार्दै फाइनलमा स्थान बनाएको हो ।
ललितपुर एफसीले इलिमिनेटरमा काठमाडौं रेजर्स एफसीलाई पराजित गर्दै दोस्रो क्वालिफायरमा स्थान बनाएको थियो । दोस्रो क्वालिफायरमा उसले पनि पोखरा थन्डर्सलाई हराउँदै फाइनलमा स्थान बनाएको हो । लिगचरणमा भने ललितपुर चौथो बन्दै इलिमिनेटरमा पुगेको थियो ।
धनगढीका प्रशिक्षक युगल किशोर राईले आफ्नो टोली शारीरिक र मानिसक दुवै रूपमा तयार रहको तथा दुवै टोली उत्तिकै बलिया भएकाले प्रतिस्पर्धात्मक खेल हुने प्रतिक्रिया दिनुभयो । ‘फाइनल एकदमै टफ हुनेवाला छ । हामी शारिरिकमात्रै नभएर मानसिक रूपमा पनि तयार छौं । व्यक्तिगत रूपमा पनि खेलाडीले शतप्रतिशत दिनुपर्छ,’ उहाँले भन्नुभयो, ‘हामीले फाइनल अघि चार दिनको आराम समय पाएका थियौं । सोच्ने मौका पनि पाएका छौं । हामी फाइनलका लागि पूर्णरूपमा तयार छौं ।’
उहाँले गत सिजनमा पनि फाइनलमा पुगेको तर केही गल्तीका कारण उपाधि उचाल्नबाट चुकेको बताउँदै यसपटक त्यसबेलाका गल्तीहरूबाट सिक्दै अगाडि बढ्ने प्रतिक्रिया दिनुभयो । अवे टिम भए पनि स्टेडियममा ठूलो संख्यामा दर्शक आई हौसला बढाइदिएकोमा उहाँले धन्यवाद ज्ञापन गर्नुभयो ।
यस्तै धनगढीका कप्तान देवेन्द्र तामागले यसपटक टोलीको लय एकदमै उत्कृष्ट देखिएकाले जितका लागि मैदान उत्रिने प्रतिक्रिया दिनुभयो । ‘यो सिजन जित्ने आशाका साथ खेलेका छौं । सजिलो हुनेछैन । प्रतिस्पर्धात्मक हुनेछ । प्रशिक्षकले सिकाएका कुरा फलो गरिरहेका छौं । जितका लागि खेल्नेछौं,’ उहाँले भन्नुभयो ।
ललितपुरका प्रशिक्षक इयान एन्ड्र्यु गिलानले आफूहरूले लगातार खेल खेलेकाले केही समस्या हुने भए पनि फाइनलमा आफ्नो शतप्रतिशत दिने बताउँनुभयो । उहाँले आफूहरू उपाधिका लागि खेल्ने बताउँदै खेल प्रतिस्पर्धात्मक हुने बताउँनुभयो ।
कार्यक्रममा आयोजकले उपाधि विजेतालाई प्रदान गरिने ट्रफीसमेत सार्वजनिक गरेको थियो । भारतीय राष्ट्रिय फुटबल टोलीका पूर्वकप्तान भाइचुङ भुटिया, नेपाली राष्ट्रिय फुटबल टोलीका कप्तान किरण चेन्जोग, कलाकार दयाहग राईलगायतले ट्रफी अनावरण गर्नुभएको थियो । प्रतियोगिताको फाइनल भारतीय रेफ्रीले खेलाउने हुनुभएको छ । अखिल नेपाल फुटबल संघको रेफ्री संघ र रेफ्री कमिटीले फाइनल खेलका लागि भारतीय रेफ्रीको नाम सिफारिस गरेका हुन् ।
दोस्रो संस्करणको लिग खेलाउन दुई भारतीय रेफ्री नेपाल आएका छन् । जसमा राम दसन र सुरोजित दास छन् । फाइनल खेलाउने सहायक रेफ्रीमा दुवै नेपाली रहनुभएको छ । पहिलोमा नानीराम थापामगर र दोस्रोमा माधव खत्री रहनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच