गुल्मी। गुल्मीको पुर्कोट दहमा स्थानीयस्तरमा खेल क्षेत्रको प्रवद्धनका लागि भलिबलसँगै विविध प्रतियोगितात्मक कार्यक्रम हुने भएको छ । मदाने गाउँपालिका वडा नम्बर– ६ मा रहेको नयाँ शान्ति दीप युवा क्लबले भलिबलसहित चार किसिमका प्रतियोगितात्मक कार्यक्रमहरु आयोजना गरेको हो ।
क्लबको २५ औं वार्षिकोत्सवको अवसरमा शान्ति दीप युवा भलिबल रनिङ्ग शिल्ड प्रतियोगितासहित विभिन्न कार्यक्रमको आयोजना गर्न लागिएको नयाँ शान्ति दीप युवा क्लबका सचिव सुरेश कुँवरले जानकारी दिनुभयो ।
आगामी माघ १६ गतेदेखि २० गतेसम्म पुर्कोट दहको गोलपोखरी रङ्गशालामा खुल्ला पुरुष भलिबल, खुल्ला महिला भलिबल, खुल्ला ब्याडमिन्टन र पालिकास्तरीय प्रावि नृत्य प्रतियोगिताको आयोजना गरिएको उहाँले जानकारी दिनुभयो ।
पुरुष भलिबलतर्फ प्रथम हुनेलाई ५० हजार नगद रुपियाँसहित रनिङ्ग शिल्ड, मेडल र प्रमाणपत्र प्रदान गरिने छ । द्वितीय हुनेलाई ३५ हजार नगद रुपियाँ र तृतीय हुनेलाई २० हजार नगद रुपियाँसहित मेडल र प्रमाणपत्र पदान गरिने भएको छ ।
त्यस्तै, महिला भलिबलतर्फ विजेता हुनेलाई २० हजार नगद रुपियाँ र उपविजेतालाई ११ हजार नगद रुपियाँसहित मेडल र प्रमाणपत्र प्रदान गरिने भएको छ । ब्याडमिन्टनतर्फ विजेता हुनेलाई २० हजार नगद रुपियाँ र उपविजेता हुनेलाई ११ हजार नगद रुपियाँसहित मेडल र प्रमाणपत्र प्रदान गरिने भएको छ । नृत्यतर्फ विजेता हुनेलाई १० हजार नगद रुपियाँ र उपविजेता हुनेलाई पाँच हजार नगद रुपियाँसहित मेडल र प्रमाणपत्र प्रदान गरिने आयोजकले जनाएको छ ।
भलिबल प्रतियोगितामा अफिसियलसहित नौ जना हुने र प्रतियोगिता प्रचलित नियमानुसार सञ्चालन हुने जानकारी गराउनुहुँदै क्लबका सचिव कुँवरले प्रतियोगितासँगै राष्ट्रियस्तरका चर्चित कलाकारहरुको समेत प्रस्तुति रहने बताउनुभयो । यस अवसरमा क्लबलाई आर्थिक एवम् भौतिक रुपमा सहयोग गर्न चाहाने सबैले सहयोग गर्न सकिने उहाँले बताउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच