म्याग्दी । शनिवार म्याग्दीको मालिका गाउँपालिका–७, बिम बिमरबाङमा शनिबार ढुंगा र दाउरा प्रहारबाट दुई जनाको हत्या भएको छ ।
बिमवाङका टेकप्रसाद रोकाले दाउरा र ढुंगाले हान्दा ८५ वर्षीया मनिषा गर्बुजाको घटनास्थलमै मृत्यु भएको थियो भने ८ वर्षीया नातिनी प्रियंका गर्बुजाको उपचारको क्रममा मणिपाल शिक्षण अस्पताल पोखरामा मृत्यु भएको जिल्ला प्रहरी कार्यालय म्याग्दीका प्रहरी निरिक्षक अशोक झाले बताउनुभयो ।
अभियुक्त रोकाको मानसिक सन्तुलनमा समस्या भएको बताइएको छ ।“दुखद् घटना घटेको छ,अभियुक्तलाई तत्काल नियन्त्रणमा लिएर अनुसन्धान भइरहेको छ”प्रहरी निरिक्षक झाँले भन्नुभयो । गम्भीर घाईते अमृता जुग्जाली र प्रियंका गर्बुजालाई हेलिकप्टरबाट थप उपचारका लागि मणिपाल अस्पतालमा लगिएको थियो । अभियुक्तले विहान करिब ८ बजे घरमा पुगेर अन्धाधुन्ध ढुंगा प्रहार गरेको बताइएको छ ।
अभियुक्त टेकबहादुरको घरबाट मृतकको घर करिब डेढ किलोमिटर टाढा पर्छ । इलाका प्रहरी कार्यालय दरबाङबाट खटिएको प्रहरीको टोलीले अभियुक्तलाई नियन्त्रणमा लिएर थप अनुसन्धानका लागि जिल्ला प्रहरी कार्यालय बेनीमा ल्याएको छ ।
बृद्ध मनिषालाई प्रहार भएको देखेर बचाउन गएको अवस्थामा अभियुक्तले अमृता र प्रियंकामाथि नै प्रहार गरेका थिए । यता गाउँपालिका अध्यक्ष बेगप्रसाद गर्बुजाले घटनाबाट सिंगो बिम स्तब्ध भएको बताउनुभयो । “बिम गाउँ नै शोकमा छ, घाईतेको उपचारमा कुनैपनि कमी हुन दिने छैनौं” अध्यक्ष गर्बुजाले भन्नुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच