स्वर्णपुरीको साधारण सभा सम्पन्न

हिमालय टाइम्स

Sunday January 7, 2024

Read Time = 3 mins

डिजिटल संस्करण

अर्थ ताजा समाचार

अर्थ/कर्पोरेट

A A- A+

काठमाडौं । स्वर्णपुरी वचत तथा ऋण सहकारी संस्था लिमिटेडले आफ्नो १४औं वार्षिक साधारण सभा मनाएको छ ।

संस्थाका संचालक अध्यक्ष बैकुण्ठप्रसाद अधिकारीको अध्यक्षतामा शनिबार काठमाडौंको चावहिलमा आयोजना गरिएको उक्त साधारण सभामा प्राध्यापक एवं वरिष्ठ पत्रकार पुरुषोत्तम दाहालको प्रमुख अतित्थ्यता रहेको थियो । कार्यक्रममा प्रा. दाहालले स्वर्णपुरी सहकारी शुरुदेखिकै अब्बल सहकारी रहेको र आफू शुरुदेखिका सबै गतिविधिमा जानकार रहेको बताउनुभयो ।

यस्तै, राष्ट्रबैंकका पूर्व अधिकृत एवं संस्थाका सल्लाहकार भीमानन्द ढुंगानाले स्वर्णपुरी सहकारी र यसको संचालकमाथि विश्वास गर्न सकिने अवस्था रहेको बताउनुभयो । संस्थाका सल्लाहकार एवं साहित्यकार त्रिलोचन आचार्यले सहकारीको नेतृत्व लोकतान्त्रिक विधिले गरिने हुँदा यो सर्वस्वीकार्य रहन्छ भन्नुभयो ।

राष्ट्रिय कलाकार एवं संस्थाका जेष्ठ शेयर सदस्य हरिप्रसाद शर्मा अतिथिको रुपमा रहनुभएको थियो ।

संस्थाका अध्यक्ष बैकुण्ठप्रसाद अधिकारीले २०७९/८० को वार्षिक प्रतिवेन प्रस्तुत गर्नुभएको थियो भने लेखा समितिका संयोजक श्री शिवनारायण अधिकारीले लेखा समितिको प्रतिवेदन प्रस्तुत गर्नुभएको थियो । उपस्थित प्रमुख अतिथि, अतिथि लगायतलाई संस्थाका उपाध्यक्ष शम्भुप्रसाद अधिकारीले दोसल्ला ओढाई स्वागत गर्नुभएको थियो । सो साधारण सभामा कामनपा–७ का कार्यबाहक अध्यक्ष कल्पना सुन्दासले शुभकामना मन्तव्य राख्नुभएको थियो ।

उक्त कार्यक्रममा असल ऋणी र वचकर्तालाई सम्मानसमेत गरिएको थियो । असल महिला ऋणी तर्फ विमला पौडेल, असल पुरुष ऋणी तर्फ शिवप्रसाद अधिकारी, असल वाल बचत तर्फ क्रमश यस्मिन घिमिरे र आदित शर्मालाई सम्मान गरिएको थियो । प्ुरस्कृत सबैलाई सम्मान पत्र र जनही तीन हजारका दरले पुरस्कृत गरियो ।

संस्थाका सचिव राजेन्द्र गजुरेलको स्वागत मन्तव्यबाट कार्यकम शुरु गरिएको थियो भने संस्थाकै सह सचिव गोविन्द ढकालले कार्यक्रम संचालन गर्नुभएको थियो । दुई चरणमा विभक्त उक्त साधारण सभामा पहिलो चरण औपचारिक र दोस्रो चरणको अनौपचारिक रुपमा संचालन गरिएको थियो ।

साधारण सभा

सहकारी

यो खबर पढेर तपाईलाई कस्तो महसुस भयो ?