जुम्ला । जुम्लाको तातोपानी गाउँपालिकाको ग्रामीण बस्ती भेरीखोलाको वडा नंं. ७ र ८ मा संचारको पहुँचमा पुगेको छ । उक्त पालिकाको वडा नं. ८ मा नेपाल टेलिकमको टावर संचालनमा आएसंगै दुर्गम भेरीखोला संचार सेवा विस्तार भएको वडाध्यक्ष तिलक रावतले जानकारी दिनुभयो ।
संचार सेवाबाट बञ्चितहुदै आएका भेरीखोलाका नागरिकलाई टेलिफोन सेवा संचालनमा आएसंगै स्थानीयवासि उत्साहित भएको वडाध्यक्ष रावतले भन्नुभयो,“ सूचना र प्रविधिको समयमा पनि भेरीखोलाका स्थानीयवासि संचारसेवाको सुविधाबाट टाढाहुदा आफन्तसँग सूचना आदान प्रदान गर्नबाटै बञ्चित हुनु परेको थियो । ” अहिले संचारसेवा संचालन आएपछि यहाँका नागरिकलाई फोन गर्ने र इन्टरनेट चलाउन सहज भएको वडाध्यक्ष रावतको भनाइ छ ।
संघीय र प्रदेश सरकारसंग संचारसेवा विस्तारकै माग गर्दै आएका थिए । ढिलै भएपनि थलालेमा रहेको नेपाल टेलिकमको टावर संचालन आएसंगै सम्पुर्ण भेरीखोला क्षेत्र संचार सेवाको पहुँचका पुगेको तातोपानी गाउँपालिका अध्यक्ष नन्दप्रसाद चौलागाईले जानकारी दिनुभयो । वर्षेदेखि अलपत्र रहेको थलाले टावर संचालनका लागि पालिकाले निन्तर ताकेता गरिरहेको थियो ।
ठेकेदारले हाम्रो ताकेता र भेरीखोला बासीको समस्यालाई बुझ्दै टावर निर्माणलाई पुर्णता दिएर संचार सेवा सूचारु भएको तातोपानी गाउँपालिकाले जनाएको छ । टेलिफोन सेवा गाउँमा विस्तार भएपछि यहाँका नागरिकलाई फोन गर्ने र सोसल मिडिया मार्फत् राज्यको ताजा गतिविधि हेर्ने र सुन्न निकै सहज भएको भेरीखोलाका स्थानीयवासि बताउँछन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच