काठमाडौं । लालीगुराँस नेसनल एकेडेमीका सुवास रावत र हिमरश्मीकी युनिशा पाठकले सातौँ ओप्स खेलकुद महोत्सवअन्तर्गत एथलेटिक्सको चार सय मिटर दौडमा सोमबार स्वर्ण जित्नुभएको छ । सुवास ब्वाइज तथा युनिशा गल्र्समा पहिलो हुनुभएको हो । अर्गनाइजेसन अफ प्राइभेट स्कुल (ओप्स) द्वारा आयोजित प्रतियोगितामा सुवासले निर्धारित दूरी एक मिनेट ०१.५७ सेकेण्डमा पूरा गर्नुभयो ।
कौशलका आशिष रावलले रजत तथा ज्ञान मन्दिरका सद्रिस सिंखडाले कांस्य जित्नुभयो । युनिशाले १ मिनेट १६.०९ सेकेण्ड समय निकाल्नुभयो । सिर्जना ज्ञान सागरकी रुस्मा अमगाईंले रजत तथा विभूतिकी वर्षा श्रेष्ठले कांस्य हात पार्नुभयो ।
त्रिपुरेश्वरस्थित दशरथ रंगशालामा भएको दुई सय मिटर दौडको ब्वाइजमा लालीगुराँसका सुदिप पाण्डे २६.०६ सेकेण्ड समयसाथ पहिलो हुनुभयो । हिमरश्मीका नवीन महत दोस्रो तथा फेरिल्याण्डका मदन गदाइली तेस्रो बन्नुभयो । सो स्पर्धाको गल्र्समा हिमरश्मीकी ममता बरालले स्वर्ण जित्नुभयो । ममताले निर्धारित दूरी तय गर्न ३२.३६ सेकेण्ड समय खर्चिनुभयो । कौशलकी सुजश्री विष्ट दोस्रो तथा फेरिल्याण्डकी अपेक्षा ढुंगाना तेस्रो स्थानमा रहनुभयो ।
ब्वाइजको त्रिजम्पमा लालीगुराँसका दीपेन्द्र गिरी पहिलो हुनुभयो । उहाँले ११.१७ मिटर जम्प गर्नुभयो । सिर्जना ज्ञान सागरका रविन तामाङ दोस्रो तथा एञ्जल्स हार्टका हिमसागर पुन तेस्रो बन्नुभयो । उक्त स्पर्धाको गल्र्समा ७.६४ मिटर जम्प गर्नुभएकी सिर्जना ज्ञान सागरकी ग्रिष्मा देवकोटा शीर्षस्थानमा रहनुभयो । हिमरश्मीकी सुनिशा मिश्र दोस्रो तथा ज्ञान मन्दिरकी अनु बराम तेस्रो हुनुभयो ।
ज्याम्लिङ थ्रोको ब्वाइजमा ज्ञान मन्दिरका यारिश मगर पहिलो बन्नुभयो । उहाँले ३६.६० मिटर थ्रो गर्नुभयो । फेरिल्याण्डका उत्सव गुरुङ दोस्रो र सेबका अर्जुन राना मगर तेस्रो हुनुभयो । सो स्पर्धाको गल्र्समा हिमरश्मीकी निग्सिका ओझा पहिलो हुनुभयो । उहाँले १३.२० मिटर टाढा फाल्नुभयो । कौशलकी आस्मा गुरुङ दोस्रो र न्युटनकी एञ्जल तेस्रो हुनुभयो । चार गुणा एक मिटर रिलेको गल्र्समा हिमरश्मी पहिलो, लालीगुराँस दोस्रो र फेरिल्याण्ड तेस्रो भए । उक्त स्पर्धाको ब्वाइजमा लालीगुराँस, हिमरश्मी र कौशल क्रमशः शीर्ष तीन स्थानमा रहे ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच