काठमाडौं । नेपाल तयारी पोशाक उद्योग संघले निर्यात प्रवद्र्धनका लागि भन्दै २७ बुँदे नीतिगतसहित सरकारलाई ध्यानाकर्षण गराएको छ । संघका अध्यक्ष पशुपतिदेव पाण्डेको नेतृत्वमा सोमबार राष्ट्रिय योजना आयोगका सदस्य डा. रामकुमार फुयालसँग भेटी गरी ध्यानाकर्षण गराएको हो ।
सो अवसरमा अध्यक्ष पाण्डेले देशको आर्थिक समृद्धिका लागि देशभित्रै उत्पादनको अवसर बढाउने वातावरण बनाई निर्यातमूलक उद्योगको प्रवद्र्धन र विकास गरी बर्सेनि १५ खर्ब पुग्ने व्यापार घाटा न्यूनीकरण गर्न, दैनिक २५ सयको हाराहारीमा विदेशिने युवा श्रमशक्ति स्वदेशमै रोकी रोजगारी प्रदान गर्नुपर्ने बताउनुभयो ।
त्यसैगरी विदेशी मुद्रा सञ्चिति बढाउने तयारी पोशाक निर्यात बढ्ने वातावरण तयार गर्न, विश्व बजारमा प्रतिवर्ष एक खर्ब ५८ अर्ब रुपैयाँको निर्यात अवसर नेपालले गुमाइरहेको अवस्थासमेत मध्यनजर गर्दै १६औँ पञ्चवर्षीय राष्ट्रिय योजना तर्जुमाका क्रममा नेपालको तयारी पोशाक निर्यात प्रवद्र्धनका लागि सरकारले चाल्नुपर्ने नीतिगत सुधारमा जोड दिन संघले ध्यानाकर्षण गराएको छ ।
सदस्य डा. फुयालले नेपालको तयारी पोशाक उद्योगले उत्पादन गरेका वस्तु प्रवद्र्धन गर्दै विश्व बजारमा समेत पुर्याउन निर्यातको वातावरण सिर्जनामा सरकारले सहजीकरण गर्ने विषयमा आगामी १६औँ योजनामै प्रष्टरूपले समावेश गर्ने प्रतिबद्धता जनाउँदै उक्त सन्दर्भमा तयारी पोशाकसँग सम्बन्धित उद्योगीसँग निकट भविष्यमै बृहत् छलफल आयोजना गर्ने आश्वासनसमेत दिनुभयो । सो अवसरमा मुख्यसचिव डा. बैकुण्ठ अर्यालले नेपाल तयारी पोशाक संघले उठाएका विषयलाई सरकारले यथोचित सम्बोधन गर्ने आश्वासन दिनुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच