काठमाडौं । एक्स कस्मोपोलिटियनले नेपालमा पहिलोपटक रिभर्स एजिङ सेवा सुरु गरेको छ । कम्पनीले नेपालमा रिभर्स एजिङको अनुभव दिने उद्देश्यसहित काठमाडौंको नक्सालमा स्थापना भएको एक्स कस्मोपोलिटियन आटलेट स्थापना गरेको हो । दुबईका राजपरिवारका सदस्य शेख जुमाविन मक्तौम अल मक्तौमको कार्यालयका कार्यकारी निर्देशक तथा सल्लाहाकार यकुब अल अली र नेपाल महिला उद्यमी महासंघकी अध्यक्ष शोभा ज्ञवालीले संयुक्तरूपमा आउटलेट उद्घाटन गर्नुभएको हो ।
सो अवसरमा अल अलीले नयाँ र अपरिहार्य सेवाको नेपालमा सुरुवात भएको भन्दै खुसी व्यक्त गर्नुभएको थियो भने महिला उद्यमी महासंघकी अध्यक्ष ज्ञवालीले नेपाल प्राकृतिकरूपमा सम्पन्न भएको अवस्थामा त्यस्ता स्रोत र साधन प्रयोगबाट एक्स कस्मोपोलिटियनले गुणस्तरीय सेवा प्रदान गर्ने विश्वास व्यक्त गर्नुभएको थियो । प्राकृतिकरूपमै मानिसको आयु १२० वर्ष भए तापनि चेतना अभावमा औसत आयु घट्दै गइरहेको हालको अवस्थालाई मध्यनजर गरेर एक्स कस्मोपोलिटियनले समुद्र सतहदेखि तीन हजार मिटरदेखि ६५ सय मिटरको उचाइमा पाईने विभिन्न हिमालयन जडीबुटी प्रयोग गरी मानिसलाई स्वयं आत्मनिर्भर भई १२० वर्षभन्दा लामो दीर्घजीवन सम्भव छ भन्ने मान्यता संसारभरि चेतना फैलाउने उद्देश्य रहेको एक्स कस्मोपोलिटियनले जनाएको छ ।
कम्पनीका अनुसार एक्स कस्मोपोलिटियनमा पर्सनल वेलकेयर र सोभिनियर बुटिक गरी दुर्ई प्रकारका सेवा उपलब्ध छन् । वेलकेयरअन्तर्गत वर्तमान समयको अग्रगामी प्रविधि र प्रकृतिलाई संयुक्तरूपमा परिचालन गरी मानिसको मेटावोलिजम बढाउने, मानिसको आन्तरिक तथा बाहृय सुन्दरता बढाउने कार्य गरिन्छ । सोभनियर बुटिकअन्तर्गत नेपालको समुद्री सतहदेखि छ हजार पाँच सय मिटरसम्मको हिमाली उचाइमा पाइने विभिन्न हिमाली जडीबुटी, हिमाली चिया, भिर महलगायत विभिन्न पहाडी क्षेत्रमा पाइने जडीबुटीबाट उत्पादित विभिन्न प्राकृतिक अत्यावश्यक दैनिकरूपमा विशेष प्रयोग हुने सामग्री बिक्रीका लागि राखिनेछ । खासगरी नेपालीलगायत नेपालमा घुम्न आउने पर्यटक लक्षित गरेर सोभनियर बुटिकको स्थापना गरिएको एक्स कस्मोपोलिटियनकी संस्थापक सरिता अधिकारीले बताउनुभयो । उहाँले भन्नुभयो, ‘कम्पनीले प्राकृतिकरूपमा उपलब्ध भएका वस्तुलाई जस्ताको त्यस्तै बजारमा ल्याउँदैछ । यो संसारभरिका सम्पूर्ण मानिसका लागि फलदायक छ । कम्पनीले उत्पादन गर्ने सामग्रीमा केमिकल प्रयोग हुनेछैन । विभिन्न जडीबुटीका साथै नेपालमै उत्पादित पश्मिना पनि अन्तर्राष्ट्रिय तथा रिटेल स्टोरमा बिक्री गर्ने कम्पनीको लक्ष्य छ ।’
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच