विराटनगर । २०२४ सालमा स्थापित उद्योग संगठन मोरङले ५६औँ स्थापना दिवस मनाएको छ । स्थापना दिवसका अवसरमा संगठनले आयोजना गरेको रक्तदान कार्यक्रममा उद्योगी व्यवसायी, श्रमिक, उद्योग प्रतिष्ठानका कर्मचारीसमेत गरी ३५ युनिट रगत विराटनगरस्थित ब्लड बैंकलाई प्रदान गरेको जनाएको छ । सो अवसरमा संगठनका अध्यक्ष राकेश सुरानाले संगठनका पूर्वअध्यक्षहरूले संगठनमा पुर्याएको योगदानको चर्चा गर्दै पछिल्लो दिनमा संगठनले अध्ययन अनुसन्धानमा आधारित नीतिगत बहस पैरवीका साथै उद्यमशीलता प्रवद्र्धनमा जोड दिँदै आएको बताउनुभयो ।
साथै उहाँले उद्यमशीलता विकासमा आफ्नो भविष्य बनाउन चाहने आर्थिकरूपमा कमजोर, लगनशील र मिहिनेती एकजना विद्यार्थीलाई विराटनगरको डिग्री क्याम्पसमा एमबिए अध्ययन गर्न पूर्ण छात्रवृत्ति प्रदान गर्ने घोषणा गर्नुभयो । अध्यक्ष सुरानाले विद्यार्थीलाई संगठनअन्तर्गतको स्टार्टअप एण्ड इनोभेसन कार्यक्रममा समावेश गरी उद्यमशीलता विकासका लागि आवश्यक सम्पूर्ण सहयोग प्रदान गर्ने प्रतिबद्धता व्यक्त गर्नुभयो ।
संगठनका निवर्तमान अध्यक्ष सुयश प्याकुरेलले कुनै पनि संस्थाको गरिमा अभिवृद्धिमा नेतृत्वको भूमिका महत्वपूर्ण हुने भन्दै संगठनको ओजसिलो इतिहास निर्माणमा पूर्वअध्यक्षले पु¥याउनुभएको योगदानको प्रशंसा गर्नुभयो । उहाँले यस क्षेत्रको औद्योगिक विकास, लगानीमैत्री वातावरण निर्माणमा संगठनले विगतदेखि पु¥याउँदै आएको योगदानलाई आगामी दिनमा समेत निरन्तरता दिने विश्वास व्यक्त गर्नुभयो ।
स्थापना दिवसका अवसरमा शुभकामना दिँदै मोरङ व्यापार संघका अध्यक्ष नवीन रिजालले व्यापार संघ र संगठनले उद्योगी व्यवसायीको राष्ट्रिय मुद्दामा सहकार्य गर्दै आएको भन्दै आगामी दिनमा पनि सहकार्यलाई निरन्तरता दिने प्रतिबद्धता व्यक्त गर्नुभयो ।
स्थापना दिवस कार्यक्रम आयोजना समितिका संयोजक जयेन्द्र शर्माले आर्थिक एवं औद्योगिक विकासमा प्रतिबद्ध संगठनको संस्थागत विकासमा सहयोग पु¥याउने सबैलाई धन्यवाद दिनुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच