काठमाडाैं । चितवन जिल्लाबाट प्रकाशित नारायणी टुडे मासिक पत्रिकाको २४ औँ वार्षिकोत्सव सम्पन्न भएको छ ।
वार्षिकोत्सव कार्यक्रमका प्रमुख अतिथि जिल्ला समन्वय समितिका प्रमुख नारायणप्रसाद अधिकारीले एउटा पत्रिका साढे दुई दशक देखि निरन्तर प्रकाशित हुनु असामान्य भएको बताउनुभयाे । उहाँले स्वतन्त्र र निष्पक्ष आफ्नो व्यावसायिक धर्मबाट विचलित नहुनु नै नारायणी टुडेको सफलता भएको बताउनुभयाे ।
कार्यक्रममा प्रेस काउन्सिल नेपालका सदस्य ठाकुर बेलवासेले अहिलेको समयमा कुनै पनि छापा पत्रिकाले निरन्तरता पाउनु भनेको आश्चर्यको कुरा भएको बताउनुभयाे । उहाँले छापा पत्रिका धमाधम बन्द भएका बेला नारायणी टुडे मासिक पत्रिकालाई निरन्तर प्रकाशित गरेर प्रकाशक र सम्पादक वीरेन्द्रमणि पौडेलले चुनौतीलाई पराजित गरेको बताउनुभयाे ।
कार्यक्रममा पत्रिकाले स्वास्थ क्षेत्रमा विशेष योगदान पुर्याएवापत डा.विजयप्रसाद पौडेल, व्यावसायिक किसान छविलाल न्यौपाने, पत्रकारद्वय रोहिणीप्रसाद त्रिपाठी र प्रतिमा सिलवाललाई सम्मान गरिएको थियो ।
कार्यक्रममा क्रान्तिकारी माओवादीका जिल्ला प्रमुख घननाथ सापकोटा, वरिष्ठ मुटुरोग विशेषज्ञ डा.श्यामराज रेग्मी र सम्मानित डा.पौडेललगायतले मन्तव्य राखेका थिए ।
कार्यक्रम बोल्ने सबै वक्ताले नारायणी टुडेलाई संस्थागत गर्न सहयोग गर्न र साथ दिन तयार रहेको बताएका थिए ।
नारायणी टुडेका प्रकाशक रसम्पादक पौडेलको अध्यक्षतामा सम्पन्न उक्त कार्यक्रममा बोल्दै उहाँले पत्रिकालाई मेरो होइन, हाम्रो बनाउन खोजेको बताउनुभयाे । पौडेलले पत्रिकाको आजीवन सदस्य बनेर साथ दिन सबैलाई अनुरोधसमेत गर्नुभयाे ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच