सर्लाही । कृषि, पर्यटन र व्यापार, स्वरोजगार र आत्मनिर्भरताको आधार भन्ने नाराका साथ प्रथम लालबन्दी महोत्सव सुरु भएको छ । उद्योग वाणिज्य संघ लालबन्दीको आयोजनामा लालबन्दी नगरपालिका ६ स्थित राधाकृष्ण फुटबल मैदानमा आयोजित महोत्सव मधेश प्रदेश सरकारकी उद्योग, वाणिज्य तथा पर्यटनमन्त्री सुनिता यादवले उद्घाटन गर्नुभयो ।
उद्योग वाणिज्य संघ लालबन्दीका अध्यक्ष दिपेन्द्र बलम्पाकीको अध्यक्षता रहेको कार्यक्रममा प्रदेशसभा सदस्य बेची लुंगेली, लालबन्दी नगरप्रमुख वासुदेव अधिकारी, उपप्रमुख कल्पना पाख्रिन, वडाध्यक्ष, प्रमुख जिल्ला अधिकारी कोमलप्रसाद धमला, नेपाली सेना भैरव दल गण पाँचकुमारीका गणपति सूर्यबहादुर कार्की, नेपाल प्रहरीका एसपी दयानिधि ज्ञवाली, सशस्त्र प्रहरी उपरीक्षक विनोदराज खनाल, राष्ट्रिय अनुसन्धान कार्यालयका उपनिर्देशक देवराज लिम्बू, विभिन्न राजनीतिक दलका नेतालगायतको उपस्थिति रहेको थियो ।
उद्योग वाणिज्य संघ लालबन्दीका अध्यक्ष बलम्पाकीले अस्ताइरहेको र कठिन अवस्थाबाट गुज्रिरहेको बजारलाई चलायमान बनाउने मुख्य उद्देश्य राखी महोत्सव आयोजना गरिएको बताउनुभयो । फागुन १९ गतेसम्म सञ्चालन हुने महोत्सव ५० हजारले अवलोकन गर्ने अपेक्षा गरिएको छ ।
महोत्सव आयोजना गर्न लालबन्दी नगरपालिकाले विनियोजन गरेको पाँच लाखसहित टिकटबाट २० लाख रुपैयाँ, स्टल भाडाबाट नौ लाख रुपैयाँलगायत अन्य विभिन्न क्षेत्रबाट आम्दानी तथा सहयोग प्राप्त हुने अपेक्षा रहेको आयोजकले जनाएको छ । महोत्सवमा शुक्रबारदेखि राष्ट्रियस्तरका कलाकारको प्रस्तुति रहेको छ । महोत्सव अवलोकन गर्न आउने विद्यार्थीलाई ५० रुपैयाँ र अन्य सर्वसाधारणलाई ७० रुपैयाँ टिकट शुल्क निर्धारण गरिएको छ भने अशक्त र ज्येष्ठ नागरिकलाई शुल्क नलाग्ने आयोजकले जनाएको छ ।
उद्योग वाणिज्य संघ लालबन्दीका निवर्तमान अध्यक्ष कल्याण जोशीले स्वागत गर्नुभएको कार्यक्रममा स्वागत नृत्य, कौडा नृत्य, लाखे, थारु नृत्य, तामाङ सेलो, मगर नृत्य, नेवारीलगायत विभिन्न भाषाभाषीका नृत्यसहित कला संस्कृति प्रस्तुत भएका थिए । त्यस्तै, डोरीतान प्रतियोगिता, क्युकोसिन कराँते, आइटिएफ कराँतेलगायत खेलसमेत प्रदर्शन गरिएको कार्यक्रम सञ्चालक मनोज बख्रेलले जानकारी दिनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच