काठमाडौं । राष्ट्रिय फिफ्टिन्स रग्वी लिग च्याम्पियनसिपको उपाधि गोर्खाली रग्वी क्लबले जितेको छ । दशरथ रंगशालामा त्रिभुवन आर्मी क्लबलाई ६६-७ को स्कोरमा हराउँदै गोर्खालीले उपाधि उचालेको हो ।
अपराजित रहँदै च्याम्पियन बनेको गोर्खालीले पहिलो खेलमा पुलिस क्लबलाई ५४-३ को स्कोरमा र दोस्रो खेलमा एपिएफलाई ४९-२० को स्कोरमा पराजित गरेको थियो । गोर्खाली रग्वी नौ अंकसहित च्याम्पियन बनेको हो । गोर्खाली रग्वीले रनिङ ट्रफीसहित एक लाख रुपैयाँ नगद पुरस्कार जितेको छ ।
प्रतियोगितामा सशस्त्र प्रहरी बलको एपिएफ क्लब दोस्रो बन्यो । लिग चरणको आफ्नो अन्तिम खेलमा नेपाल पुलिस क्लबलाई ७७-६ को स्कोरमा हराउँदै एपिएफ उपविजेता बनेको हो । एपिएफले सात अंक जोड्यो । एपिएफले ट्रफी, मेडलसहित ५० हजार रुपैयाँ नगद प्राप्त गर्यो । च्याम्पियनसिपमा तेस्रो भएको आर्मीले पाँच अंक जोड्यो । नेपाल प्रहरी तीन अंकसाथ चार टिम सहभागी लिगमा अन्तिममा रहृयो ।
प्रतियोगितामा एपिएफका प्रमेश चौधरी उत्कृष्ट खेलाडी घोषित हुनुभयो । उहाँले पाँच हजार नगद पुरस्कार हात पार्नुभयो । लिगमा उत्कृष्ट प्रदर्शन गर्ने खेलाडीलाई समेटेर राष्ट्रिय टिम निर्माण गरिने आयोजक नेपाल रग्वी संघले जनाएको छ । लिगलाई आगामी वर्षमा थप विस्तार गर्दै लैजाने योजना रहेको संघका अध्यक्ष दीपक देवकोटाले बताउनुभएको छ ।
विजेतालाई युवा तथा खेलकुद पूर्वमन्त्री हितबहादुर तामाङ, राष्ट्रिय खेलकुद परिषद्का सदस्य-सचिव टंकलाल घिसिङ, सदस्य सम्राटकुमार कुसारी, नेपाल रग्वी संघका अध्यक्ष दीपक देवकोटालगायतले एक कार्यक्रमबीच पुरस्कृत गर्नुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच