काठमाडौं । साताको सोमबार र मंगलबार बढेको सेयर बजार बुधबार भने ०.८७ को झिनो अंकले घटेर २०००.७७ अंकमा झरेको छ । सोमबार १३.२८ र मंगलबार ९.३४ अंकले बढेको थियो । बुधबार तीन सय आठ कम्पनीका ५१ लाख एक सय ५९ हजार छ सय ५८ कित्ता सेयर दुई अर्ब तीन करोड ८१ लाख नौ सय ७७ रुपैयाँमा खरिदबिक्री भएका छन् । नेप्से घटे पनि दैनिक कारोबार रकम भने १६ करोड ८३ लाख रुपैयाँले बढेको हो ।
कारोबारमा आएका १३ समूहगत सूचकमध्ये छवटाको सूचक बढेका छन् भने सातवटा घटेका छन् । उत्पादन तथा प्रशोधनमूलक सर्वाधिक ४.९६ प्रतिशतले बढेका छन् भने व्यापार ५.५१, लगानी १.०५, होटल तथा पर्यटनमूलक, म्युचुअल फण्ड र अन्य सामान्य अंकले बढेका छन् । बुधबार विकास बैंक सर्वाधिक १.११ प्रतिशतले घटेको छ भने बैंकिङ, फाइनान्स, हाइड्रोपावर, जीवन बिमा, लघुवित्त र निर्जीवन बिमाको सेयर मूल्य घटेको छ । सोनापुर मिनरल्स एण्ड आयल लिमिटेडको सर्वाधिक १२ करोड ६९ लाख ६५ हजार रुपैयाँ बराबरको सेयर कारोबार भएको छ ।
हिमालयन रि इन्स्योरेन्स आठ करोड छ लाख ८९ हजार, बोटलर्स नेपाल तराई सात करोड चार लाख २२ हजार, शिवम् सिमेन्ट्स छ करोड ६७ लाख ८६ हजार र हिमालयन डिष्टिलरी पाँच करोड ८३ लाख ९३ हजार रुपैयाँको सेयर कारोबार भएको छ । नेपाल स्टक एक्सचेन्ज(नेप्से)का अनुसार बोटलर्स नेपाल (बालाजु) लिमिटेड, विशाल बजार कम्पनी र बोटलर्स नेपाल तराईको सेयर मूल्य सकारात्मक सर्किट लेभलमा बढेर कारोबार भएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच