नयाँदिल्ली । इण्डियन प्रिमियर लिग (आइपिएल)अन्तर्गत रोयल च्यालेन्जर्स बैंग्लोरका विराट कोहलीले एउटै टोलीबाट सबैभन्दा बढी छक्का प्रहार गर्ने क्रिस गेलको कीर्तिमान तोड्नुभएको छ । शुक्रबार राती कोलकाता नाइट राइडर्ससँगको खेलमा ४ छक्का प्रहार गर्दै उहाँले गेलको कीर्तिमान तोड्नुभएको हो । योसँगै आइपिएलमा कोहलीको २४१ छक्का पुगेको छ । उहाँ सन् २००८ देखि एउटै टोलीबाट खेल्दै आउनुभएको छ । उहाँपछि वेस्ट इण्डिजका पूर्वब्याट्सम्यान क्रिस गेल र दक्षिण अफ्रिकाका एबी डिभिलियर्स हुनुहुन्छ । बैंग्लोरबाट गेलले २३९ र डिभिलियर्सले २३८ छक्का प्रहार गर्नुभएको छ ।
यस्तै, मुम्बई इण्डियन्सबाट किरण पोलार्डले २२३ र रोहित शर्माले २१० छक्का प्रहार गर्नुभएको छ । यस्तै, एउटै मैदानमा सबैभन्दा धेरै छक्का प्रहार गर्ने कीर्तिमानमा विराट तेस्रो स्थानमा पुग्नुभएको छ । उहाँले बैंग्लोरको एम चिन्नास्वामी स्टेडियममा १२८ छक्का प्रहार गर्नुभएको छ । उहाँले ट्रेन्ट ब्रिज मैदानमा १२६ छक्का प्रहार गर्ने एलेक्स हेल्सको कीर्तिमान तोड्नुभएको छ । यो कीर्तिमानमा गेल शीर्ष स्थानमा हुनुहुन्छ ।
कोलकाता नाइट राइडर्ससँगको खेलमा कोहलीले उत्कृष्ट प्रदर्शन गरे पनि खेल जिताउन भने सक्नुभएन । शुक्रबार राती भएको खेलमा उहाँको टिम कोलकाता नाइट राइडर्ससँग सात विकेटले पराजित भयो । बैंग्लोरले प्रस्तुत गरेको १८३ रनको लक्ष्य कोलकाताले १६.५ ओभरमा तीन विकेट गुमाएर पूरा गर्यो । कोलकाताको जितमा वेन्कटेस ऐयरले ३० बलमा ५० रन बनाउनुभयो । सुनिल नारिनले २२ बलमा ४७ रन बनाउनुभयो । कप्तान श्रेयस ऐयरले ३९ र फिल साल्टले ३० रन बनाउनुभयो । बैंग्लोरका यस दयाल, मयंक दागर र विजयकुमार भास्यकले समान एक/एक विकेट लिनुभयो ।
त्यसअघि टस हारेर ब्याटिङमा आएको बैंग्लोरले निर्धारित २० ओभरमा ६ विकेट गुमाएर १८२ रन बनाएको थियो । बैंग्लोरका कोहलीले ८३ रन बनाए पनि टिमलाई हारबाट जोगाउन सक्नुभएन । क्यामरुन ग्रिनले ३३, ग्लेन म्याक्सवेलले २८ र दिनेश कार्तिकले २० रन थप्नुभयो । कोलकाताका हर्षित राना र आन्द्रे रसेलले समान दुई विकेट लिनुभयो । सुनिल नारिनले एक विकेट हात पार्नुभयो । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच