नयाँदिल्ली । इण्डियन प्रिमियर लिग (आइपिएल)मा मुम्बई इण्डियन्स र रोयल च्यालेन्जर्स बैंग्लोर (आरसिबी) बलिया टोली हुन् । तर, जारी सिजनमा दुवैले कमजोर सुरुवात गरेका छन् । दुवै टोलीले समान तीन खेल हारेका छन् । आरसिबीले खेलेका चारमध्ये तीन हारेको छ भने मुम्बई अहिलेसम्म जितविहीन छ । खराब सुरुवातसँगै दुवै टोली अंकतालिकाको पुछारमा छन् । मुम्बई अन्तिममा छ भने आरसिबी अन्तिमबाट दोस्रोमा छ ।
आरसिबीले खेलेका चारमध्ये पञ्जावविरुद्ध मात्रै जित निकालेको थियो । मार्च २५ मा भएको खेलमा आरसिबीले पञ्जाब किंस इलाभेनलाई चार विकेटले हराएको थियो । तर, बाँकी तीन खेलमा भने आरसिबी पराजित भयो । आरसिबी पहिलो खेलमा चेन्नई सुपर किंससँग ६ विकेटले पराजित भएको थियो । दोस्रो खेल जिते पनि तेस्रो खेलमा आरसिबी कोलकात्ता नाइट राइडर्ससँग पराजित भएको थियो । चौथो खेलमा आरसिबी लखनउ सुपरजाइन्टसँग पराजित भएको हो ।
अर्को बलियो टोली मुम्बई इण्डियन्सले एउटा खेल पनि जित्न सकेको छैन । मुम्बईले सुरुवाती ३ खेलमा पराजय भोगेको छ । १० टोली सहभागी आइपिएलमा मुम्बई अहिलेसम्म अंकविहीन एक्लो टोली हो । एमआई कप्तानका रूपमा हार्दिकको कार्यकाल लगातार पराजयबाट सुरु भएको छ । यसअघि रोहित शर्मा विगत १० वर्षदेखि मुम्बई इण्डियन्सको कप्तान हुनुहुन्थ्यो । शर्माको कप्तानीमा मुम्बईले पाँचपटक उपाधि जितेको थियो ।
तेस्रो खेलमा राजस्थान रोयल्सले मुम्बईलाई ६ विकेटले हराएको हो । मुम्बई यसअघि पहिलो खेलमा गुजरातसँग ६ विकेटले र दोस्रो खेलमा सनराइजर्स हैदरावादसँग ३१ रनले पराजित भएको थियो । मुम्बईले अब अर्को खेल दिल्ली क्यापिटल्ससँग ७ अप्रिलमा खेल्नेछ । मुम्बई आइपिएलको सबैभन्दा सफल फ्रेन्चाइजीमध्ये एक हो । आइपिएल इतिहासमा सबैभन्दा धेरै खेल खेल्ने टोली पनि मुम्बई नै हो । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच