काठमाडौं – इन्डियन प्रिमियर लिग (आईपीएल) अन्तर्गत गएराति भएको खेलमा साविक विजेता चेन्नई सुपर किंग्समाथि सनराइजर्स हैदरावादले शानदार जित निकालेको छ। राजीव गान्धी अन्तर्राष्ट्रिय स्टेडियममा टस हारेर पहिला ब्याटिङ गरेको चेन्नईले दिएको १६६ रनको लक्ष्य हैदरवाले चार विकेट गुमाएर ११ बल खेल्न बाँकी हुँदै भेटेको हो।
सुरुमा ब्याटिङ गरेको चेन्नईले निर्धारित २० ओभरमा ५ विकेट गुमाएर १६५ रन बनाएको थियो। १६६ रनको लक्ष्य हैदरवादले चार विकेटको क्षतिमा १८ ओभर १ बलमा पूरा गरेको हो।
हैदरावादको जितका लागि एडेन मार्करामले अर्धशतकीय इनिङ खेले उनले उनले ३६ बलमा चार चौका र एक छक्काको मद्दतमा ५० रन बनाएका हुन्। आक्रामक ओपनिङ गरेका अभिषेक शर्माले १२ बलमा ३७ रन बनाउँदा सम्हालिएर खेलेका टेभिस हेडले २४ बलमा ३१ रन जोडे। शाहबाज अहमदले १८ रन जोड्दा नितिश कुमार रेड्डी र हेनरिक क्लासेन नटआउट १४ र १० रनमा समेटिए।
चेन्नईका लागि मोइन अलीले २ विकेट हात पार्दा महेश थेक्साना र दिपक चाहरले १–१ विकेट लिए। सुरुमा ब्याटिङ गरेको चेन्नईका लागि शिवम दुबेले सर्वाधिक ४५ रन बनाए। २४ बल खेलेका उनले २ चौका र ४ छक्का प्रहार गरे।
अजिंक्य रहाणेले ३५, कप्तान ऋतुराज गायकवाड २६, डेरिल मिचेल १३ र रचिन रविन्द्र १२ रनमा आउट हुँदा रविन्द्र जडेजा ३१ र महेन्द्रसिंह धोनी १ रनमा नटआउट रहे।
हैदरावादका भुवनेश्वर कुमार, शाहबाज अहमद, थांगारासु नटराजन र जयदेव उनादकटले १–१ विकेट लिए।यो खेलसँगै चेन्नई र हैदरावाद चार खेलमा दुई/दुईमा जित निकाल्दै समान चार अंकका साथ रनरेटको आधारमा तेस्रो र पाँचौं स्थानमा छन्।आईपिएल अन्तर्गत शनिबार राजस्थान रोयल र रोयल च्यालेन्जर्स बैंग्लोरले प्रतिस्पर्धा गर्दैछन्। यो खेल साँझ ७:४५ बजे सुरु हुनेछ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच