काठमाडौं । चलचित्र ‘अगस्त्यः च्याप्टर १’ ले ५१ दिन पूरा गरेको छ । गतवर्षको फागुन १८ गतेबाट सिनेमाघरमा आएको यो चलचित्रले काठमाडौंको न्यूरोडस्थित रञ्जना सिनेप्लेक्समा शनिबारबाट ५१ दिन पूरा गरेको हो । चलचित्रका निर्देशक सौरभ चौधरी, कलाकार नाजिर हुसेन, निर्माता प्रकाश मल्ल र अनिश तामाङ रञ्जना सिनेप्लेक्समा उपस्थित भएर दर्शकसँगै चलचित्र हेर्दै ५१औं दिनको खुशीयाली साटनुभएको थियो ।
निर्देशक चौधरीले आलोचना र तारिफका बाबजुद पनि चलचित्रले ५१औं दिन मनाउनु खुशीको कुरा भएको सुनाउनुभयो । ‘दर्शकको वर्ड अफ माउथले गर्दा हाम्रो फिल्म ५१औं दिनसम्म आएर प्रदर्शनरत छ । दर्शकले देखाउनुभएको मायाप्रति हामी खुशी छौं । फिल्ममा पक्कै पनि केही कमिकमजोरी छन् । त्यो कमीकमजोरीलाई सुधार्दै जाने हामी प्रण गर्छौं,’ उहाँले भन्नुभयो ।
निर्माता तामाङले आफ्नो चलचित्रलाई दर्शकले दिएको मायाले खुशी भएको बताउनुभयो । ‘हाम्रो फिल्मले ५१औं दिन मनाउनु नै म र टिमका लागि यो ठूलो उपलब्धि हो । साथै कलाकार र मेकरका लागि यो भन्दा खुशीको कुरा अरू के नै हुनसक्छ र ?’, उहाँले भन्नुभयो । नायक नाजिरले दर्शकले फिल्मप्रति दिनुभएको माया र साथप्रति आभार व्यक्त गर्नुभयो । उहाँले आफूले चरित्रलाई न्याय दिन सकेको कुरा दर्शकबाट पाएको प्रतिक्रियाबाट प्रमाणित भएको बताउनुभयो ।
डार्क हर्स इन्टरटेनमेन्ट र सेभेन सिज इन्टरटेनमेन्टको प्रस्तुति रहेको चलचित्रमा सौगात मल्ल, नाजिर हुसेन, मलिका महत, प्रमोद अग्रहरि, बेन बस्नेत, विजय बराल, रवीन्द्र झा, शिशिर बाङ्देल, निश्चल बस्नेत, सिम्रन खड्का, प्रकाश दाहाल, प्रदीप ढकाल, गजेन्द्र त्रिपाठी, सचिन चन्द्रलगायतका कलाकारको अभिनय छ ।
प्रकाश मल्ल, अनिश तामाङ र विनोद पौडेलले निर्माण गरेको चलचित्रमा लेखन पनि सौरभकै छ । विश्व गौचन र अभिषेक चौधरी कार्यकारी निर्माता हुनुहुन्छ ।
सञ्जय लामाको छायांकन, निमेष श्रेष्ठको सम्पादन, कविराज गहतराजको कोरियोग्राफी, श्री श्रेष्ठको द्वन्द्व निर्देशन र एसडी योगीको संगीत छ चलचित्रमा । निर्माणपक्षले ‘अगस्त्य च्याप्टर २’लाई सन् २०२६ मा रिलिज गर्ने घोषणा गरेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच