नवलपरासी । पश्चिम नवलपरासीमा गत बर्षको तुलनामा चालू आर्थिक बर्षमा पच्चीस प्रतिशतले औंलोका बिरामी बढेका छन् । गत बर्ष ८ जनामा औंलो रोग लागेकोमा चालु आर्थिक बर्षको चैत मसान्तसम्म १० जनामा औंलो रोगका बिरामी फेला परेका छन् ।
सुनवल नगरपालिकामा ६ जना, रामग्राम नगरपालिकामा २ जना, पाल्हीनन्दन र प्रतापपुर गाउपालिकामा १/१ जनामा औंलो रोग देखिएको छ । गत बर्ष बर्दघाट नगरपालिकामा ३ जनामा देखिएको औंलो यस वर्ष भने अहिलेसम्म देखिएको छैन । सुस्ता र सरावल गाउँपालिकामा हालसम्म नभेटिएको जिल्ला स्वास्थ्य कार्यालयका प्रमुख ओम प्रकाश पन्थीले जानकारी दिनु भयो । "नवलपरासीमा गत बर्षको तुलनामा यस बर्ष बढेको छ त्यसको नियन्त्रणमा स्थानिय पालिका देखी सबै सरोकारवालाहरु लाग्नु पर्ने आवश्यकता रहेको छ ।" पन्थीले भन्नुभयो ।
औंलो रोग लामखुट्टेको टोकाइबाट सर्ने बताउदै जनस्वास्थ्य निरीक्षक देवीलाल पौडेलले लामखुट्टेका ४ सय ३० प्रजातिका लामखुट्टे रहेकोमा ४३ जातका लामखुट्टेले औलो सार्ने सक्ने बताउनु भयो । "अहिलेसम्म नेपालमा ४ प्रकारका लामखुट्टेको टोकाइले औलो सारेको पाइएको छ ।" पौडेलले भन्नुभयो । नेपाल सरकारले सन २०२५ मा स्थानीय औंलालाई शुन्यमा राख्ने र बहिरबाट आएकालाई नियन्त्रण गर्ने लक्ष्य राखेको थियो तर आजसम्मको अवस्था हेर्दा यो लक्ष्य पूरा नहुने देखिन्छ ।
लुम्बिनी प्रदेशका १२ वटा जिल्लाहरु मध्ये रुकुम पुर्व बाहेक अरु ११ वटा जिल्लामा औंलोका बिरामी फेला परेका छन । "औंलो विरुद्धको लडाइलाई तिब्रता दिऔँ, समतामूलक पहुँचको सिर्जना गरौं" भन्ने नारा सहित बिश्व औंलो दिवस २०८१ मनाइएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच