काठमाडौं । गायिका रचना रिमालले क्रिकेटर सन्दीप लामिछानेमाथिको मुद्दामा मुख खोलेकी छन् ।
लामिछानेको मुद्दा सुनुवाइमा आलटाल भएपछि गायिका रिमालले दोषी भए कानुन अनुसार सजाय दिन र निर्दोष भए विश्वकप खेल्न दिन भन्दै सामाजिक सञ्जालमा स्टाटस लेखेकी छन् ।
पाटन उच्च अदालतमा आइतबार पेसी तोकिए पनि सन्दीपको मुद्दा ‘हेर्न नमिल्ने’ सूचीमा परेको थियो । सोही कुरामा चिन्त नबुझाउँदै गायिका रिमाले ‘दोषी भए सजाय देऊ, नभए विश्वकप खेल्न देऊ’ भन्दै सामाजिक सञ्जालमा स्टाटस लेखेकी हुन् ।
गायिका रिमाल क्रिकेटप्रति निक्कै रुची राख्ने गर्छिन् । काठमाडौंमा भएका नेपालका हरेक खेल हेर्न उनी प्राय: पुगिकी हुन्छिन् ।
आइतबार पहिलो नम्बरमा परेको सन्दीपको मुद्दाको मुद्दाको सुनुवाइ हेर्न नमिल्नेमा राखिएको छ । प्रत्यर्थीहरू झिकाउने आदेश दिने न्यायाधीशकै बेञ्चमा सो मुद्दा परेपछि हेर्न नमिल्ने आदेश भएको हो ।
मुख्य न्यायाधीश नृपध्वज निरौला र दुर्गाप्रसाद ढुङ्गेलको इजलासले मुद्दा हेर्न नमिल्ने भनी आदेश गरेको हो । अघिल्लो पेसीमा इजलासले सन्दीपको मुद्दालाई प्राथमिकतामा राखेर हेर्ने आदेश दिएबमोजिम मुद्दाले अग्राधिकार पाएको थियो ।
जिल्ला अदालतको फैसलामा चित्त नबुझेको भन्दै दुवै पक्ष उच्च अदालत पाटन पुगेका हुन् ।
क्रिकेटर लामिछानेले आफू निर्दोष भएको दाबी गरेका छन् भने पीडित गौशाला २६ ले आफूलाई बालिग ठहर गरी लामिछानेलाई कम सजाय गरिएको भन्दै थप सजायको माग गरेकी छन् ।
यता, अमेरिका र वेस्टइन्डिजमा हुने टी–२० विश्वकपका लागि नेपाली टोलीको अन्तिम सूची सार्वजनिक भइसकेको छ । सन्दीपको मुद्दा चाँडो फैसला भएर उनी निर्दोष भएमा उनले विश्वकप खेल्नसक्ने सम्भावना अझै जीवितै छ ।
त्यसका लागि जिल्ला अदालत काठमाडाैंबाट दोषी ठहर सन्दीपलाई उच्च अदालतले निर्दोष रहेको फैसला दिनुपर्ने हुन्छ । जसका कारण पछिल्लो समय सन्दीपको मुद्दा अझ धेरै चासोपूर्वक हेरिएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच