बाली । इण्डोनेसियाको बाली टापुमा सोमबार ‘साझा समृद्धिका लागि पानी’ विषयअन्तर्गत १०औं विश्व पानी सम्मेलन औपचारिक रूपमा सुरू भएको छ । सम्मेलनमा विश्वका धेरै देशका नेता तथा संयुक्त राष्ट्रसंघका प्रतिनिधिसमेतको उपस्थिति छ । दशौं विश्व पानी सम्मेलनले जल संरक्षण, स्वच्छ पानी र सरसफाइ, खाद्य र ऊर्जा सुरक्षा तथा प्राकृतिक प्रकोपको न्यूनीकरण गरी चार विषयमा केन्द्रित रहने बताइएको छ ।
सम्मेलनका अवसरमा बोल्नुहुँदै इण्डोनेसियाका राष्ट्रपति जोको विडोडोले सन् २०५० सम्ममा विश्वको खाद्यान्नमा ८० प्रतिशत योगदान गरे पनि ५० करोड साना किसानहरू खडेरीको चपेटामा पर्ने अनुमान गर्नुभएको छ । उहाँले भन्नुभयो, ‘यो समयमा बालीमा भेला गरेर इण्डोनेसियाले पानीसँग सम्बन्धित विश्वव्यापी चुनौतीहरू पार गर्न गरेको सहयोगको प्रतिबद्धतालाई बलियो बनाउन विश्वले निरन्तर रूपमा हात मिलाउन सक्ने आशा गर्दछ ।’
विश्व जल परिषद्का अध्यक्ष लोइक फाउचोनले पनि पानीले मानिसहरूलाई एकजुट गर्ने तर पृथ्वीलाई मानिसहरूले क्षति पुर्याएका कारण धेरै स्थानमा पानीको अभाव बढ्दै गएको बताउनुभयो । उहाँले भन्नुभयो, ‘यो त्रासदीबाट अवगत भएर यसलाई सुधार गरी हामी भावी पुस्तालाई आशा, इच्छा र शान्ति दिन चाहेका छौं ।’ सम्मेलनले यस विषयमा व्यापक छलफल गरी सुधारका लागि आवश्यक निर्णय गर्नेछ । रासस/सिन्हृवा ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच