काठमाडौं । अर्थमन्त्री वर्षमान पुनले सुशासन कायम गर्नका लागि राज्यका सबै निकायहरुमा शुद्धिकरण अभियान शुरु गर्ने बताउनुभएको छ ।
शनिवार काठमाडौंमा रिटर्नी सेन्टर नेपालको प्रथम स्थापना दिवसको अवसरमा आयोजित कार्यक्रमलाई सम्बोधन गर्दै अर्थमन्त्री पुनले सरकारले सुशासन कायम गर्नका लागि राज्यका सबै निकायहरुमा शुद्धिकरण अभियान शुरु गर्ने बताउनुभएको हो ।
उहाँले सरकारले भ्रष्टाचारको सफाइ गर्न खोजेको बताउनु भयो । उहाँले भ्रष्टाचारको सम्बन्धमा फाइल उठाउने कर्मचारी र स्वीकृत गर्ने कर्मचारीलाई कारबाही नगरी बिचका कुनै कर्मचारीलाई कारबाही गर्ने प्रवृत्ति देखिएको भन्दै आफूहरुले त्यसको अन्त्य गर्ने बताउनु भयो । उहाँले नजिक र टाढाको नभनी दोषि उपर कारबाही गरिने बताउनु भयो । अर्थमन्त्री पुनले भ्रष्टाचार अन्त्य गर्दै सुशासन कायम गर्न सरकार उभिएको भन्दै सुशासनका लागि राज्यका निकायहरुमा शुद्धिकरण अभियान चलाइने स्पष्ट पार्नुभयो ।
उहाँले भन्नुभयो – ‘हामी राज्यलाई के भुमिकामा बलियो बनाइराख्छौँ भने नियमन हो । बजार स्वस्थकर छ कि अस्वस्थकर ? जस्तो पनि ल्यायो बेच्यो त्यस्तो हुँदैन । गुणस्तरिय हुनुपर्छ । स्वस्थ चिज बेच्नुप¥यो । व्यापार गर्न पाउँछ तर निश्चित गुणस्तरको हुनुप¥यो । राज्यका नियामक निकायहरु प्रतिस्पर्धी खालको र स्वतन्त्र भुमिकामा हुनुपर्छ । रेफ्रिको भुमिकामा हुनुपर्छ । नीजि क्षेत्र आएर खेती, किसान गर्छ वा अरु बजार गर्छ । तर प्रतिस्पर्धी होस् । कार्टेलिङ नहोस् । मनोपोलि नहोस् । गुणस्तर नपुग्ने सरसामान वा सेवा बिक्री नगरोस् भनेर राज्यको त्यहाँ भुमिका छ । नाफाको पनि सीमा हुन्छ । न्यायोचित रुपमा हुनुपर्छ व्यापार पनि । पुँजीवादको विकृतिको रुपमा भ्रष्टाचार, कुशासन, मिलेमतो आउँछ । यस्ता कुराहरु नीतिगत भ्रष्टाचारहरु आउँछ । त्यो कुरा हामीले सफाइ गर्न खोजेको हो । सचिव छ । तल उपसचिव छ । तल फाइल उठाउनेलाई पनि कारबाही हुँदैन । सचिवलाई पनि हुँदैन । बिचको उपसचिव, सहसचिवलाई गरिराखेको हुन्छौँ । फाइल उठाउने अधिकृतलाई पनि हुँदैन । त्योभन्दा माथि स्वीकृत गर्नेलाई पनि हुँदैन । यस्तो हुँदैन हाम्रोमा । हामीले शासन गर्दै गर्दा नजिकको वा टाढाको भन्ने हुँदैन । हामीले सुद्धिकरण अभियानको रुपमा, सुशासन कायम गर्ने रुपमा, भ्रष्टाचार नियन्त्रण गर्ने रुपमा नै जानुपर्ने हुन्छ । त्यसरी सरकार उभिएको छ । राज्यका सबै निकायहरुमा शुद्धिकरण अथवा सुशासनको लागि सरकारले काम गरिराखेको छ ।’
अर्थमन्त्री पुनले सरकारले नियामक निकायहरुलाई बलियो बनाउने पनि बताउनु भयो । उहाँले स्वस्थकर कुराहरु मात्रै विक्रि वितरण हुनुपर्ने भन्दै अस्वस्थ कुराहरुको बिक्री वितरण हुन नदिन राज्यले ध्यान पु¥याउने बताउनु भयो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच