काठमाडौं । एसिसी महिला एसिया कप खेल्न नेपाली महिला क्रिकेट टिम श्रीलंका पुगेको छ । प्रतियोगिताको तयारी स्वरूप नेपाली टिम केही साताअघि नै श्रीलंका पुगेको हो । नेपालले श्रीलंका क्रिकेट बोर्डको महिला विकास टोलीविरुद्ध तीन खेल खेल्ने भएको छ । नेपाल क्रिकेट संघ (क्यान)ले सार्वजनिक गरेको तालिकाअनुसार खेल सरी भिलेजमा जुलाई ९, १० र १६ मा खेल्नेछ ।
एसियाली क्रिकेट काउन्सिल (एसिसी) को आयोजनामा महिला एसिया कप जुलाई १९ देखि २८ सम्म श्रीलंकामा हुँदैछ । प्रतियोगिताको समूह ‘ए’ मा नेपाल, भारत, पाकिस्तान र युएई छन् । समूह ‘बी’ मा आयोजक श्रीलंका, बंगलादेश, मलेसिया र थाइल्याण्ड छन् । नेपालले समूह चरणमा जुलाई १९ मा युएईसँग खेल्दै प्रतियोगिताको सुरुवात गर्नेछ । त्यसपछि पाकिस्तानविरुद्ध जुलाई २१ मा दोस्रो खेल खेल्ने नेपालले भारतविरुद्ध जुलाई २३ मा समूह चरणको अन्तिम खेल खेल्नेछ ।
नेपाल टेष्ट राष्ट्र भारत र पाकिस्तानलाई बलियो चुनौती दिने योजनामा रहेको कप्तान इन्दु बर्माले बताउनुभएको छ । उहाँले भन्नुभयो, ‘भारत र पाकिस्तान बलिया टोली हुन् । तर, हामी राम्रो दबाब बनाउनेछौँ । युएईसँग भने जित्नकै लागि खेल्नेछौँ ।’ प्रशिक्षक र व्यवस्थापनलाई अभद्र व्यवहार गरेको भन्दै क्यानले टोलीमा रहेकी अप्सरी बेगमलाई निलम्बन गरेको थियो । उहाँलाई थप अनुशासनपछि कारबाही गरिने क्यानले जनाएको छ । निलम्बनपछि उहाँलाई टिमबाट हटाइएको छ ।
नेपाली टोलीमा इन्दु बर्मा (कप्तान), सबनम राई, रुविना क्षेत्री, सीता रानामगर, विन्दु रावल, कविता कुँवर, कविता जोशी, काजोल श्रेष्ठ (विकेटकिपर), पूजा महतो, सम्झना खड्का, डाली भट्ट, रोमा थापा, ममता चौधरी, कृतिका मरासिनी र राजमति ऐरी हुनुहुन्छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच