काठमाडौं । नयाँ सरकार गठनसँगै बढ्न थालेको सेयर बजार मौद्रिक नीतिपछि झन् आकासिएको छ । सेयर बजार आइतबार ११३.४२ अंकले बढेको हो । कारोबार सुरु भएपछि दुईपटक सकारात्मक सर्किट लागेर बजार बन्द भएर फेरि कारोबार सुरु भएको थियो ।
मौद्रिक नीतिको लचिलो व्यवस्थाका कारण सेयर बजारमा पनि उत्साह देखिएको बताइएको छ । आइतबार लघुवित्तबाहेक बाँकी १२ वटा समूहगत सूचक बढेका छन् भने बैंकिङ सर्वाधिक ९.८९ प्रतिशतले बढेको छ । लगानी ५.७५, विकास बैंक ४.८७, जीवन बिमा ४.२४, अन्य ३.१९, निर्जीवन बिमा २.६८ र व्यापार २.६१ प्रतिशतले बढेको छ । सबैभन्दा कम होटल तथा पर्यटनमूलक ०.४६ र हाइड्रोपावर ०.८३ प्रतिशतले बढेको छ । यस दिन झण्डै १६ अर्ब अर्थात् १५ अर्ब ८१ करोड पाँच लाख ९६ हजार दुई सय ३५ रुपैयाँ बराबरको सेयर कारोबार भएको हो ।
नेपाल स्टक एक्सचेन्ज(नेप्से)का अनुसार कुल तीन सय १८ कम्पनीका चार करोड तीन लाख १४ हजार पाँच सय १७ कित्ता सेयर एक लाख ६३ हजार आठ सय १० पटक खरिदबिक्री भएका थिए ।
कुमारी बैंकको सबैभन्दा धेरै ३६ करोड १० लाख रुपैयाँ बराबरका १७ लाख छ हजार पाँच सय ८२ कित्ता सेयर तीन हजार चार सय ९४ पटक खरिदबिक्री भएका थिए भने एनआइसी एसिया बैंकको करिब ३५ करोड तथा हिमालयन रि इन्स्योरेन्स र शिवम् सिमेन्ट्सको ३२ करोडभन्दा बढीको कारोबार भएको छ । तर, गणपति लघुवित्तको सेयर मूल्य सबैभन्दा धेरै ९.३५ प्रतिशतले घटेको छ भने सिद्धार्थ इन्भेष्टमेन्ट ग्रोथ स्किम २ को इकाई मूल्य ५.७१, लक्ष्मी लघुवित्त ४.६०, नाडेप लघुवित्त ३.७७ र विजय लघुवित्तको सेयर मूल्य ३.४६ प्रतिशतले घटेको छ । कारोबार संख्याका आधारमा हिमालयन रि इन्स्योरेन्सको सबैभन्दा धेरै तीन हजार सात सय ६५ पटक कारोबार भएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच