ललितपुर । तेस्रो संस्करणको काठमाडौं-कलिङ साहित्य महोत्सव सम्पन्न भएको छ । ललितपुरस्थित होटल हिमालयमा दुई दिनसम्म चलेको महोत्सव ‘नेपालः द गेटवे टु एशिएन आर्ट, कल्चर एण्ड लिटरेचर’ भन्ने मूल नाराका गरिएको थियो ।
समापनकै दिन चौथो संस्करणको घोषणा गरिएको छ । काठमाडौं कलिंग साहित्य महोत्सवको चौथो संस्करण आगामी वर्षको सेप्टेम्बर १३ र १४ (भदौ २८ र २९)मा आयोजना हुनेछ । यस पटककको महोत्सवमा कार्यक्रममा महाकवि डा.भुवन ढुंगानालाई यशस्वी साहित्य सम्मान र लक्ष्मी मुर्डेश्वर पूरी, सञ्जीव सान्याल र अच्युत सामन्तलाई यशस्वी सम्मानबाट सम्मान गरिएको थियो । यसैगरी यशस्वी पुस्तक पुरस्कार २०८१ बाट पाँच विधामा ६ वटा पुस्तकलाई पुरस्कृत गरिएको थियो ।
दोस्रो दिन अभिनेता राजेश हमाल महोत्सवको आकर्षणको केन्द्र बन्नुभएको थियो । ‘लाइफ डेडिकेटेड टु नेप्लिज फिल्म्स’ शीर्षकको सेसनमा हमालले नेपाली चलचित्र उद्योग अड्केको भन्ने धारणाको खण्डन गर्नुभएको थियो ।
यसैगरी, ‘नायक र नायकत्व’ शीर्षकमा कलाकार दीपकराज गिरी, सुरक्षा पन्त र दयाहाङ राईले अन्तक्र्रिया गर्नुभएको थियो । ‘द आर्ट अफ स्टोरीटेलिङ इन फिल्म’ शीर्षकको सेसनमा चलचित्र ‘ऐना झयालको पुतली’का निर्देशक सुजित विडारीले आफ्ना अनुभव सुनाएर आकांक्षी चलचित्रकर्मीलाई सल्लाह दिनुभयो ।
समापन समारोहमा गायिका मेनुका पौडेलले आफ्नो सांगीतिक करिअरबारे सुनाउनुभयो । साथै प्रभासको ‘सलार’मा समावेश ‘सुरज ही छावं बनके’ गीत गाउनुभएको थियो । यसै गीतबाट मेनुकाले बलिउडमा डेब्यु गर्नुभएको थियो । उहाँले नेपालीसहित हिन्दी गीत तथा भजनसमेत सुनाउनुभएको थियो ।
केएलएफ-काठमाडौंकी निर्देशक तथा संस्थापक सदस्य रञ्जना निरौलाले भव्य रूपमा महोत्सव सम्पन्न भएको बताउनुभयो । महोत्सवमा कला, साहित्य, चलचित्र, रंगमञ्च, राजनीतिक र मिडियासहित ५० भन्दा बढी सत्र सञ्चालन गरिएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच